Adnoddau gwyddoniaeth ar-lein

Prosiectau CREST ar gyfer Dysgu yn y Cartref

Mae yna gasgliad newydd o heriau a syniadau prosiect CREST sydd wedi'u dewis o Lyfrgell Adnoddau CREST i'w defnyddio gartref gyda chefnogaeth rhieni neu wedi'u gosod fel prosiectau dysgu o bell gan athrawon.

Mae yna brosiectau sy'n addas ar gyfer pob oedran a lefel, o'r Sylfaen i'r Safon Uwch, ar ystod eang o bynciau STEM. 

Ysgrifennwyd gweithgareddau cynradd ar gyfer rhai heb arbenigo mewn gwyddoniaeth felly maent yn addas i'w defnyddio gan athrawon a rhieni fel ei gilydd. 

Ar lefel uwchradd, mae gan bob brîff prosiect her gyffredinol, syniadau ar gyfer cychwyn arni ac adnoddau y gallai fod eu hangen arnoch. Darllenwch yr adran iechyd a diogelwch yn ofalus cyn i chi ddechrau. Dylai pobl ifanc greu cynllun ar gyfer eu prosiect ac asesiad risg cyn iddynt ddechrau ar unrhyw weithgaredd ymarferol. Gallwch ddefnyddio taflenni diogelwch myfyrwyr CLEAPSS i'w helpu. 

Dewch o hyd i lu o syniadau yma.

Adnoddau Addysg Practical Action 

Ydych chi'n chwilio am adnoddau deniadol a fydd yn ysbrydoli'ch plant? 

Mae adnoddau STEM, gwyddoniaeth, dylunio a thechnoleg AM DDIM Practical Action yn ffitio cwricwlwm y DU ac yn ennyn diddordeb plant mewn materion yn y byd go iawn gan gynnwys newid yn yr hinsawdd, ynni adnewyddadwy, diogelwch bwyd a pharodrwydd ar gyfer trychinebau. 

Mae'r heriau STEM yn gwneud cyfleoedd dysgu yn y cartref delfrydol a/neu weithgareddau yn yr ysgol ar gyfer plant cynradd ac uwchradd. Mae pob her yn hawdd ei llywio gan ei bod yn cynnwys canllaw i Athro a Rhiant/Gofalwr ar wahân i redeg yr her, taflenni gweithgaredd, PowerPoint, poster a thystysgrifau. 

P'un a yw'ch plant yn datblygu gardd sydd yn arnofio, yn dylunio gorsaf golchi dwylo neu'n ailddefnyddio plastig ar gyfer menter, byddant wrth eu bodd yn datblygu eu datrysiad dyfeisgar eu hunain i broblem yn y byd go iawn. 

Mae Practical Action yn sefydliad datblygu rhyngwladol arloesol sy'n rhoi syniadau dyfeisgar i weithio fel y gall pobl mewn tlodi newid eu byd. 

Manylion yma.

Y Gymdeithas Frenhinol - animeiddiad Why Science is for Me

Mae'n bwysig bod pobl ifanc yn credu bod gwyddoniaeth ar eu cyfer nhw, hyd yn oed os nad ydynt am ddilyn gyrfa “gwyddoniaeth”.

Mae astudio gwyddoniaeth nid yn unig ar gyfer y myfyrwyr dawnus a mwy galluog sydd eisiau gyrfa wyddonol, ond mae'n berthnasol i bawb ar gyfer eu penderfyniadau yn y dyfodol a phrosesu gwybodaeth. Mae'r animeiddiad byr hwn yn offeryn y gall athrawon ei ddefnyddio i helpu i ddangos hyn i fyfyrwyr. Mae'r fideo yn tynnu sylw at y ffaith bod gwyddoniaeth yn caniatáu i fyfyrwyr ennill ystod eang o sgiliau trosglwyddadwy sy'n ddefnyddiol mewn llawer o yrfaoedd. Mae gwyddoniaeth yn ffordd o feddwl, yn ffordd o ddadansoddi ffeithiau a gweithredu ar y dadansoddiad hwn; nid yw gwyddoniaeth yn ymwneud â gwybod yr atebion, mae'n ymwneud â gwybod pa gwestiynau i'w gofyn.

Dyluniwyd yr animeiddiad i'w ddefnyddio gan rai sydd yn dysgu myfyrwyr rhwng 11 a 16 oed.

Manylion yma.

Welcome Trust Explorify

Adran arbenning ar gyfer dysgu yn y cartref yn ystod cyfnod cau ysgolion oherwydd Covid-19 yma.

Mae Explorify yn raglen am ddim gan Ymddiriedolaeth Wellcome ar gyfer athrawon ysgolion cynradd sy'n sbarduno chwilfrydedd disgyblion ac yn datblygu eu medrau meddwl. Mae'n rhad ac am ddim i'w ddefnyddio, ac nid oes angen paratoi llawer iawn, ac mae'n hawdd I'w redeg fel rhan o eich amserlen bob dydd.

Mae'r rhaglen yn agored i holl athrawon disgyblion cynradd 5-11 oed. Mae dros 50 o weithgareddau fel rhan o gamau rhaglen strwythuredig.

Mae Ymddiriedolaeth Wellcome wedi creu gweithgareddau o ansawdd uchel gyda delweddau, fideos a deunyddiau eraill i ysgogi chwilfrydedd, trafodaeth a dadl am y byd o'n cwmpas.

Mae Explorify yn helpu athrawon i annog holi, arsylwi, cymharu, rhyfeddu a darganfod. Gall ymestyn yr hyn y mae disgyblion yn ei feddwl am wyddoniaeth – ei fod yn fwy na photiau a ffrwydradau yn unig.

Mae meddwl fel hyn yn golygu y gall pawb cymryd rhan. Nid oes atebion anghywir. Mae pob ateb yn gam arall ar hyd y ffordd i fwy o ddealltwriaeth.

Gall plant gael eu hysbrydoli gan wyddoniaeth ac mae Explorify yn darparu llwyfan ardderchog i'w addysgu'n rheolaidd. Yn bwysicaf oll, mae'r rhaglen hon yn helpu plant i archwilio'r sawl nodwedd o fod yn wyddonydd.

Darganfyddwch fwy yma.

Tudalennau Adnoddau Primary Science Teaching Trust

Ymddiriedolaeth elusennol yw PSTT sy'n helpu i wella addysgu a dysgu gwyddoniaeth gynradd ledled y DU.

Mae gan yr ardal Adnoddau ar eu gwefan ystod o gasgliadau adnoddau ar wahanol themau gan gynnwys 'Science for one' a 'Science fun at home', y ddau ohonynt wedi'u hychwanegu mewn ymateb i sefyllfa Covid-19. 

Manylion yma.

Primary Upd8 

Mae Primary upd8 yn gyfres o weithgareddau gwyddoniaeth deniadol o ansawdd uchel ar gyfer plant 5-11 oed. Mae'r gweithgareddau hyn yn rhad ac am ddim fel rhan o Aelodaeth Gynradd ASE.

Mae pob gweithgaredd yn seiliedig ar ddigwyddiad cyfredol neu gyd-destun bywyd bob dydd i'ch helpu chi i wneud eich gwersi gwyddoniaeth yn fwy pleserus a chysylltiadau â sgiliau ymholi gwyddonol. Mae'r gweithgareddau'n cefnogi gwaith llythrennedd a rhifedd ac wedi'u cynllunio i fanteisio ar fyrddau gwyn rhyngweithiol. Daw pob gweithgaredd fel cyflwyniad PowerPoint y gellir ei olygu, gyda digon o ddarluniau cartŵn lliwgar ac elfennau rhyngweithiol i fachu sylw plant. 

Manylion yma.

I'm a Scientist...: Adnoddau Dadl AM DDIM

Ar wefan 'I'm a Scientist' mae casgliad o adnoddau i gynnal dadleuon i fyfyrwyr sydd yn amrywio o 'Are we too clean?' i 'Food security' a'r un diweddaraf, 'Should our town centre be for self-driving cars only?'.  Mae pob pecyn, a gynlluniwyd ar gyfer myfyrwyr rhwng 11 – 18, yn cynnwys cynllun gwers gyda ymchwil trylwyr a chymeriadau i fyfyrwyr fabwysiadu. Mae'r pecynnau am ddim wedi cael eu cynhyrchu gan dîm Rwy'n Wyddonydd gyda chyllid gan y Gymdeithas Ffisiolegol ac wedi ennill gwobrau. 

Gwybodaeth ar bob un o'r dadleuon yma. Cofrestrwch ac i gael mwy o wybodaeth aewch i yma.

Cwisiau Gwyddoniaeth gan Timstar 

Profwch eich gwybodaeth gyda cwisiau Timstar…

P'un a ydych chi'n dechnegydd, yn athro neu'n fyfyriwr, beth am roi eich ymennydd ar brawf a gweld pa mor wyddonol ydych chi. Fe allech chi hyd yn oed ddefnyddio rhai platfformau ar-lein gwych fel Zoom i gwblhau'r cwisiau gyda'ch cydweithwyr, ffrindiau neu deulu yn ystod y cyfnod cloi. 

Mae cwis yn ffordd wych o brofi gwybodaeth ar bwnc penodol ac yn fath ardderchog o adolygu i fyfyrwyr. Mae'r holl gwestiynau'n unol â meysydd Bioleg, Cemeg a Ffiseg a gwmpesir yng nghwricwlwm Cyfnod Allweddol 3 a 4. Mae'r rhain yn adnoddau perffaith ar gyfer sesiynau adolygu ar-lein ac yn yr ystafell ddosbarth. 

Manylion yma.

Cyd Destunau Gwyddoniaeth yng Nghymru

Mae Cyd Destunau Gwyddoniaeth yng Nghymru yn bwriadu darganfod ac yn egluro gwyddoniaeth ddiddorol a real mewn 30 lleoliad â thema ledled Cymru, yn cwmpasu Ffiseg, Cemeg a Bioleg ar gyfer myfyrwyr TGAU a Safon Uwch.
Gyda chanllawiau athrawon a thaflenni gwaith argraffadwy y gellir eu lawrlwytho, mae Cyd Destunau Gwyddoniaeth yng Nghymru yn mynd â gwyddoniaeth ar daith o’r ysgol i'r awyr agored.

Mwy o wybodaeth yma.

ADNODDAU CYMRAEG: Cyfres fideos Arbrofion yn yr Ardd

Cyfres o fideos a darlithoedd byr ar ystod o bynciau gwyddonol wedi eu cyflwyno gan yr Athro Andrew Evans o'i ardd. Cynhyrchwyd rhain fel rhan o Eisteddfod AmGen mewn ymateb i ohirio Eisteddfod Genedlaethol 2020 oherwydd COVID-19.

Manylion yma.

Oxfam Education

Mae Oxfam Education yn cynnig ystod enfawr o syniadau, adnoddau a chefnogaeth ar gyfer datblygu dysgu byd-eang yn yr ystafell ddosbarth a'r ysgol gyfan. Mae'r holl adnoddau yma'n cefnogi Addysg ar gyfer Dinasyddiaeth Fyd-eang - addysg sy'n helpu disgyblion i ddeall eu byd a gwneud gwahaniaeth cadarnhaol ynddo.

Rhai awgrymiadau i'ch rhoi ar ben ffordd:

Back to School with Global Citizenship - Mae dinasyddiaeth fyd-eang yn ymwneud ag annog pobl ifanc i ddatblygu'r wybodaeth, y sgiliau a'r gwerthoedd sydd eu hangen arnynt i ymgysylltu â'r byd. Yn ddelfrydol i'w ddefnyddio ar ddechrau'r flwyddyn academaidd, tymor ysgol neu bwnc newydd, mae'r gweithgareddau canlynol yn cefnogi dysgwyr rhwng 7 a 14 oed i ddatblygu rhai o elfennau allweddol dinasyddiaeth fyd-eang gyfrifol: gofyn cwestiynau, gwneud cysylltiadau, ac archwilio safbwyntiau a gwerthoedd.

Climate Change Quiz - Newid yn yr hinsawdd yw'r bygythiad mwyaf i'r cynnydd a wnaed i ddod â thlodi i ben. Bydd yn effeithio'n fwyaf dwys ar bobl dlotaf y byd sy'n llai abl i ddelio â sioc ac sydd wedi cyfrannu leiaf at yr hinsawdd sy'n newid. Gall y cwis hwn helpu'ch dysgwyr i archwilio achosion ac effeithiau newid yn yr hinsawdd. Bydd hefyd yn eu hannog i feddwl sut y gellir lliniaru'r effeithiau a'u haddasu.

Prif wefan yma.

Arbrofion ar Ffilm

Mae'r adnodd hwn ar sail fideo ac yn canolbwyntio ar yr ymarferion ymarferol craidd a ymddengys ym manyleb newydd CBAC ar gyfer UG a Safon Uwch Bioleg, Cemeg a Ffiseg. Mae dros 80 o fideos a fydd yn helpu dysgwyr i gryfhau eu sgiliau ymarferol wrth baratoi ar gyfer papurau arholiad ysgrifenedig, ac i greu eu 'llyfrau labordy' fel rhan o'r cyrsiau newydd. Mae hefyd wedi ei greu i'w ddefnyddio ar gyfer dysgu ac adolygu annibynnol a dysgu yn y dosbarth er mwyn helpu athrawon i gefnogi sgiliau ymarferol dysgwyr.

Mwy o wybodaeth yma.

Prosiect Archaeoleg Forwrol y Môr Du

Roedd Prosiect Archeoleg Forwrol y Môr Du (@BlackSeaMAP) yn alldaith ryngddisgyblaethol tair blynedd yn ymchwilio i arfordiroedd hynafol a hanes morwrol Môr Du Bwlgaria a oedd yn cynnwys darganfod llongddrylliad cyfan hynaf y byd.

Mae adnoddau am ddim bellach ar gael i athrawon, grwpiau cymunedol a chyfathrebwyr archaeoleg i ysbrydoli disgyblion â STEM yn y byd go iawn a'u cyflwyno i yrfaoedd nad ydyn nhw efallai'n sylweddoli eu bod yn bodoli.

Dewch i gwrdd â'r unigolion a'r timau sy'n gweithio ar y prosiect, gweld sgiliau a thechnolegau STEM ar waith a phrofi'r heriau o ddatrys problemau ar y môr i ddadorchuddio'r gorffennol.

Darganfyddwch fwy am ein ffilmiau byrion, gweithgareddau ystafell ddosbarth a chlwb, proffiliau gyrfa a phosteri.

Mwy o fanylion yma.

Adnoddau Athrawon Encounter Edu

Mae Encounter Edu yn cynllunio ac yn cyflwyno rhaglenni noddedig STEM a dysgu byd-eang sy'n trawsnewid addysg y tu mewn a'r tu allan i'r ystafell ddosbarth.

Maent yn arbenigo mewn cynhyrchu gwersi byw ar bynciau byd-eang ar gyfer yr ystafell ddosbarth ac yn creu rhaglenni addysg pwrpasol sydd wedi'u cynllunio i ymgysylltu ac ysbrydoli. Mae eu profiadau dysgu yn trochi ac yn rhoi'r ddealltwriaeth a'r sgiliau angenrheidiol i fyfyrwyr fynd i'r afael â materion pwysicaf y byd.

Ar eu gwefan mae ganddyn nhw adnoddau athrawon am ddim ar gyfer mynd i’r afael â materion amgylcheddol a chymdeithasol yn yr ystafell ddosbarth ar draws pob oedran, cyfnod allweddol a gradd. Ymhlith y teitlau mae, Our Ocean Planet, Submarine STEM a Google Expeditions.

Manylion yma.

Sefydliad Ymchwil mewn Ysgolion, IRIS (Institute of Research in Schools)

Nid oes gan bobl ifanc a'u hathrawon gyfleoedd i wneud cyfraniadau gwerthfawr, cydnabyddedig i'r gymuned wyddonol, gan nad yw'r system addysg bresennol yn cynnig y profiadau sydd eu hangen i fyfyrwyr ac athrawon i gymryd rhan mewn ymchwil STEM dilys tra yn yr ysgol.

Mae cenhadaeth IRIS yn driphlyg:

• I gynyddu'r nifer o bobl ifanc ac athrawon sy'n ymgysylltu ag ymchwil STEM yn yr ysgol mewn ffordd sy'n codi dyhead, cyfranogiad a chyrhaeddiad fel bod mwy o bobl ifanc, yn enwedig y rhai o grwpiau difreintiedig, yn parhau â gyrfaoedd mewn STEM
• I alluogi athrawon i gael eu cysylltu fel partneriaid allweddol mewn ymchwil STEM ac felly eu cadw yn y proffesiwn
• I gyfrannu syniadau a dulliau newydd o fynd i'r afael â heriau byd-eang gan gynnwys gwrthsefyll gwrth-microb, newid yn yr hinsawdd, cynhyrchu ynni, peirianneg a gwyddoniaeth deunyddiau

Mae IRIS yn gwneud prosiectau ymchwil blaengar yn agored i fyfyrwyr ysgol a'u hathrawon fel y gallant brofi cyffro a her gwyddoniaeth. Gwnawn hyn trwy wneud data yn hygyrch i ysgolion, darparu hyfforddiant athrawon ac adnoddau, a thrwy roi benthyg offer ymchwil gwyddonol. Er enghraifft, fe wnaethom lansio prosiect Genome Decoders yn ddiweddar gyda Wellcome Genome Campus, lle mae myfyrwyr yn anodi genom chwiplyngyr dynol.

Fideo cryno yma: mwy o wybodaeth yma.

Gwasanaeth Addysg BP (BPES)

Mae Gwasanaeth Addysg BP (BPES) yn darparu adnoddau ysbrydoledig a diddorol i gefnogi addysgu Gwyddoniaeth, Technoleg, Peirianneg a Mathemateg. Rydym yn darparu enghreifftiau byd go iawn, heriau a gwybodaeth gan ddefnyddio fideos, gweithgareddau rhyngweithiol, taflenni gwaith a llawer mwy.

Mae'r adnoddau yn cael eu datblygu gyda chymorth athrawon ac arbenigwyr addysgol ac AM DDIM i athrawon a rhieni o 4-19 oed. Maent yn gysylltiedig â'r cwricwlwm ac yn adlewyrchu ein ffocws ar ynni, yr amgylchedd, arweinyddiaeth a sgiliau busnes o fewn y meysydd cwricwlwm allweddol Gwyddoniaeth, Daearyddiaeth, Dinasyddiaeth a ABCI / ABCh / DPCh, Llythrennedd, Astudiaethau Busnes, Dylunio a Technoleg, Peirianneg a Menter.

Prosiect Gwyddoniaeth Dinasyddion – Penguin Watch

Mae Penguin Watch yn offeryn ardderchog ar gyfer dysgu myfyrwyr am ystod o bynciau, gan gynnwys cadwraeth, y dull gwyddonol, Antarctica a chynefinoedd pegynol / oer, ac - wrth gwrs - pengwiniaid! Dysgwch fyfyrwyr am ystod o bynciau, gan gynnwys cadwraeth, y dull gwyddonol, Antarctica a chynefinoedd pegynol / oer, ac - wrth gwrs - pengwiniaid gyda Penguin Watch!

Gellir dod o hyd i'r prosiect hwn ar wefan Zooniverse ynghyd â llawer o brosiectau eraill gan gynnwys Floating Forests, sy'n cyfri gwymon, a Bash the Bug, sydd yn helpu i frwydro yn erbyn ymwrthedd i wrthfiotigau.

Gwefan Athrawon EdComs

Mae gwefan Athrawon EdComs yn cynnig, adnoddau o ansawdd uchel a syniadau ar gyfer gwersi ar draws ystod lawn o feysydd pwnc ar gyfer ysgolion cynradd ac uwchradd yn rhad ac am ddim. Mae'r holl adnoddau am ddim yn cael eu cynhyrchu mewn cydweithrediad ag athrawon ac yn gysylltiedig â chwricwlwm y DU.

Cofrestrwch yma.  

Amgueddfa Wyddoniaeth - Adnoddau a Gemau ar-lein

Mae'r Amgueddfa Wyddoniaeth yn darparu ystod o adnoddau ystafell ddosbarth sydd yn rhad ac am ddim neu wedi eu noddi. Gellir eu defnyddio yn yr ysgol, gartref neu mewn clybiau ar ôl ysgol. Adnoddau i gyd yma.

Mae 'Futurecade' yn gyfres o bedwar o gemau ar-lein, 'Bacto-Lab, Junker Space, Cloud Control' a 'Robo-Lobster', sydd yn ymgysylltu myfyrwyr gyda gwyddoniaeth y presennol a'r dyfodol drwy gwestiynau pwerus a gemau. Y bwriad yw ysgogi trafodaeth yn hytrach na dysgu gwyddoniaeth, mae y gemau yn cael eu cefnogi gan nodiadau i athrawon sydd yn rhoi awgrymiadau ar gyfer defnyddio 'Futurecade' yn yr ystafell ddosbarth. 

Gemau i gyd yma.

Microsgopau i Ysgolion

Gwefan newydd i gefnogi microsgopeg mewn ysgolion cynradd a ariennir ac a redir gan y Cyngor Ymchwil Feddygol a Sefydliad Meddygaeth Ataliol Lister.

Maen nhw'n gobeithio y bydd athrawon, rhieni a phlant yn cael eu hannog gan y wefan i ddefnyddio microsgop a darganfod y byd microsgopig.

Manylion yma.

Cylchgrawn Catalyst

Mae cylchgrawn Catalyst yn cael ei gyhoeddi bob tymor ac wedi ei anelu at ddisgyblion 14-19 oed. Mae'n llawn o erthyglau diddorol ar wyddoniaeth arloesol, cyfweliadau ac ymchwil wedi eu hysgrifennu gan academyddion blaenllaw.

Ewch i yma i weld sut gallwch chi danysgrifio heddiw.

Adnoddau Oxford University Press

Banc o adnoddau gwyddoniaeth am ddim ar gyfer 11 - 18 oed. 

Mae Gwasg Prifysgol Rhydychen wedi creu ystod o adnoddau gwyddoniaeth am ddim ar bynciau amrywiol. 

Lawrlwythwch daflenni gwaith, gwersi a gweithgareddau am ddim i'w defnyddio gyda'ch myfyrwyr bioleg, cemeg a ffiseg ar draws CA3, TGAU a Safon Uwch. 

Manylion yma. 

Cymdeithas Datblygu Copr

Mae'r Gymdeithas Datblygu Copr yn cefnogi addysg drwy gasgliad o adnoddau Bioleg, Cemeg a Ffiseg ar-lein. Mae'r deunyddiau hyn yn RHAD AC AM DDIM wedi cael eu datblygu ar y cyd a'u hadolygu gan athrawon.

Mae'r tabl ar y dudalen adnoddau yn cyflwyno ystod eang o bynciau ar gyfer oedran uwchradd – er yfod rhan fwyaf o'r tudalennau cysylltiedig a lawrlwythiadauyn cynnwys gwybodaeth gwerthfawr ar gyfer bob ystod oedran. Mae tudalen set o gwestiynau a dolen i dudalen atebion at bob tudalen.

Manylion yma.

Sense About Science: Ymgyrch Gofyn am Dystiolaeth

Mae Sense About Science yn elusen annibynnol sy'n hyrwyddo diddordeb y cyhoedd mewn gwyddoniaeth gadarn ac yn sicrhau bod tystiolaeth yn cael ei chydnabod mewn bywyd cyhoeddus a llunio polisïau. 

Mae ganddyn nhw gynllun gwers ac adnoddau i roi cyfle i bobl ifanc 13-16 oed archwilio a yw'r hyn maen nhw'n ei weld, ei ddarllen a'i glywed yn wir, gan ddefnyddio tystiolaeth fel y safon aur i werthuso hawliadau. 

Mae am ddim i'w lawrlwytho yma.

GSK STEM Education

Mae gan GSK adran ar eu gwefan sydd yn arbennig ar gyfer addysg STEM.

Adnoddau dysgu - adnoddau am ddim sydd yn cydfynd â'r cwricwlwm ar gyfer 11 - 14 oed, i agor meddyliau disgyblion i'r cyfleoedd y gall STEM eu cynnig ac i helpu adeiladu eu 'STEM Capital'. 

Cefnogaeth i athrawon - gallwch gyflwyno yr adnoddau yn hyderus a dysgu mwy am sut i wneud y gorau o'r rhaglen addysg STEM.

Manylion yma.

Arbrofion Rhithwir – Arbrofion ar-lein Prifysgol Reading

Mae arbrofion rhithwir wedi cael eu datblygu ym Mhrifysgol Reading ar gyfer myfyrwyr TGAU a lefel A. Mae'r arbrofion rhithwir yn cofnodi fersiynau o arbrofion go iawn. Maent yn galluogi myfyrwyr i gynnal arbrofion ar-lein. Mae'r rhan fwyaf o'r arbrofion rhyngweithiol sydd ar gael gyda awgrymiadau sylfaenol i egluro'r offer a'r botymau i'r wasgu. Mae myfyrwyr yn teimlo y gallant reoli yr arbrawf, gan ddewis newidynnau gwahanol a chasglu mesuriadau gwahanol ym mha drefn y maent yn dewis.

Mae rhai o'r fideos hefyd gyda sgriptiau syml a thaflenni gwaith ar gyfer athrawon, er y bydd angen i'r rhain gael eu targedu ar y lefel briodol ar gyfer eich myfyrwyr. Mae'r fideos o ansawdd uchel ac y cyfarwyddiadau yn glir. Mae'n wefan wych i ddangos a thrafod y arbrofion nad ydych yn gallu cynnal yn yr ystafell ddosbarth.

Mae'r pynciau yn cynnwys adlewyrchiad, cyfraddau twf a ffotosynthesis, gwrthyddion, Deddf Hooke a llawer mwy.

Manylion yma.

Nobelprize.org

Does dim rhaid i chi fod yn arbennigwr i ddeall gwaith Ennillwyr Nobel. Mae y gemau a'r cartwnau ar y wefan yn eich addysgu ac annog I ddarganfod mwy am wyddoniaeth.

Nodwch, gan bod pob un o'r gemau yn defnyddio Adobe Flash, dim ond tan Rhagfyr 2020 bydd y gemau ar gael.

Manylion yma. 

AimHi Gwersi fideo arlein

Gwersi Byw, Rhyngweithiol, Ar-lein

Mae AimHi yn ysgol ar-lein fyd-eang i fyfyrwyr ddysgu, rhyngweithio a chael eu hysbrydoli gan fodelau rôl carismatig ac athrawon eithriadol, am ddim.

Manylion yma.

GE - STEM Together

O ystyried y newidiadau i'n ffyrdd o weithio a dysgu yn ystod y cyfnod clo, rydym yn gwerthfawrogi y gallai fod angen Ysbrydoliaeth STEM ar fyfyrwyr nawr, yn fwy nag erioed. Mae GE Aviation Systems wedi edrych ar sut y gallant addasu eu gweithgareddau i sicrhau y gellir eu cyflawni'n ddiogel fwy neu lai.

Nod y rhaglen ‘#STEMtogether’ yw cynnal diddordeb mewn STEM, heb allu ymweld ag un o’r safleoedd GE na bod mewn amgylchedd ysgol. Mae'r cynllun mewn dwy ran (y ddwy wedi'u bwriadu ar gyfer blynyddoedd 7-12), prosiect a her taflen waith wythnosol. 

Manylion yma.

Dekko Comics - Llyfrau comics STEM CA2 AM DDIM 

Mae 'Dekko comics' yn gomics addysgol newydd sy'n troi cynnwys cwricwlwm ysgol CA2 yn stribedi comig deniadol, gan chwalu rhwystrau i ddarllen a dysgu; yn enwedig Dyslecsia ac Awtistiaeth.

Fel bonws, maent hefyd yn defnyddio cod lliw a throednodiadau, yn ogystal â ffont sy'n gyfeillgar i ddyslecsia. Fel hyn, mae eu comics yn gwneud dysgu'n fwy hygyrch ac yn annog darllenwyr amharod i fynd i ddarllen, gan gynyddu eu hymgysylltiad a'u chadw dysgu yn y cof. 

Manylion yma.

15 Arbrawf Rhyfeddol i’ch Plant eu gwneud yn y Cartref

Mae hon yn dudalen we ysgrifennwyd gan Fam yn ystod cyfnod clo COVID-19. Yn ogystal â chyfarwyddiadau, mae eglurhad byr o’r wyddoniaeth ar gyfer pob arbrawf.

"Mae pob un o’r arbrofion sydd yn y rhestr wedi ei lunio i annog chwilfrydedd, i roi canlyniadau gwych, i greu digon o chwerthin ac i gyflwyno ffeithiau gwyddonol na fyddent byth yn eu anghofio.”

Manylion yma.

e-Bug

Mae'r adnodd ysgol e-Bug yn adnodd addysgol cyffrous, hwyliog, AM DDIM ar ficrobau, hylendid a lledaeniad afiechyd. Mae'n cynnwys cynlluniau gwersi manwl, cronfa o adnoddau gan gynnwys delweddau, cyflwyniadau, gemau, cwisiau ffeiliau ffeithiau a llawer mwy. Mae adnoddau wedi'u teilwra ar gyfer myfyrwyr cynradd ac uwchradd. Mae yna opsiwn i ddewis Cymraeg ar gornel dde uchaf y sgrin.

Prif wefan yma.

Mae yna adran benodol mewn ymateb i'r Coronavirus gydag adrannau ar gyfer pob oedran yma. 

Adnodd ar Malaria your genome

Mae a 'Her Malaria' yn adnodd addysgol am ddim amlgyfrwng ar gyfer myfyrwyr 14-18 oed a'u hathrawon. Nod yr adnodd yw codi ymwybyddiaeth o falaria gan archwilio gwahanol gamau o'r cylch bywyd Plasmodium a thrafod dulliau ar gyfer trin ac atal y clefyd. Mae'r adnodd yn cynnwys animeiddiadau 3D, delweddau gwyddonol a fideos o'r parasit yn ogystal â chyfweliadau gydag ymchwilwyr blaenllaw y byd malaria.

Manylion yma. 

Ymddiriedolaeth Charles Darwin

Mae Ymddiriedolaeth Charles Darwin yn cymryd Charles Darwin, y person, y gwyddonydd a'r gŵr bonheddig Fictoraidd, ei dŷ, gerddi a chefn gwlad yn Downe fel ysbrydoliaeth ar gyfer dysgu a dysgu gwyddoniaeth. Rydym wedi defnyddio dull Dysgu Ysbrydoledig Darwin i greu adnoddau addysgu y gall athrawon eu defnyddio am ddim.

Anogir myfyrwyr i weithio fel Darwin fel eu bod yn dechrau deall natur gwyddoniaeth; gwneud arsylwadau, gofyn cwestiynau, arbrofi i ymchwilio i'r byd naturiol, cydweithredu ag eraill, darllen ac ymchwilio. Mae Darwin Inspired Learning yn fan cychwyn ar gyfer casglu tystiolaeth a gwneud dadleuon da y mae myfyrwyr yn eu hegluro i eraill.

Ar hyn o bryd mae gennym adnoddau wedi'u datblygu ac ar gael am ddim ar gyfer Cyfnod Allweddol 2 (7-11 oed), Cyfnod Allweddol 3 (11-14) ac Ôl-16.

Manylion yma.

BioNet

Mae'r Gymdeithas Bioleg wedi lansio gradd newydd o aelodaeth gyfer rhai 14-19 oed sy'n anelu i bontio'r bwlch rhwng yr ystafell ddosbarth a bioleg 'byd go iawn'. Gall myfyrwyr ysgol a choleg ymuno am ddim ond £5 y flwyddyn. Bydd aelodaeth yn rhoi mynediad iddynt i amrywiaeth mawr o wasanaethau, gan gynnwys tanysgrifio ar-lein i gylchgrawn Y Biolegydd.

Manylion yma.

Teithiau Rhithiol o amgylch yr Acwariwm Morol Cenedlaethol

Ewch ar daith dywysedig o'r Acwariwm Morol Cenedlaethol, acwariwm cyhoeddus mwyaf y DU ac yn gartref i dros 4,000 o greaduriaid morol anhygoel gydag aelod o'n Tîm Ysgolion o gysur eich ystafell ddosbarth eich hun!

Mae eich taith yn cychwyn yn ein harddangosfa yn Plymouth Sound, lle bydd myfyrwyr yn dod ar draws rhai o'n bywyd lleol hoffus, a mwyaf carismatig o amgylch Arfordiroedd Prydain. Ar ôl hyn, byddant yn symud ymlaen i'r tanc mwyaf yn y Deyrnas Unedig gyfan - ein harddangosfa Cefnfor yr Iwerydd. Yma, byddant yn cael golwg agos ar ein crwban môr, morgathod a siarcod. Mae'r Daith yn parhau i'n harddangosion Blue Planet, lle byddant yn cwrdd ag amrywiaeth eang o greaduriaid hardd sydd i'w cael mewn riffiau cwrel ledled y byd. 

Mae pob taith yn gysylltiedig â’r cwricwlwm gwyddoniaeth ac yn cael ei gyflwyno gan ein Swyddogion Ysgolion, a fydd yn ateb cwestiynau eich myfyrwyr, ac yn gofyn eu cwestiynau diddorol eu hunain i ysgogi a datblygu dysgu eich myfyrwyr. 

Sylwch fod cost am deithiau. 

Manylion yma.

Salters' - Pecyn adnoddau Gwyliau Cemeg

Yn anffodus, cafodd tymor Gwyliau Cemeg 2020 ei ganslo, ond, er mwyn sicrhau nad yw'ch myfyrwyr yn siomedig, rydym wedi dwyn ynghyd yr holl adnoddau sydd eu hangen arnoch i'w redeg yn labordai eich ysgol!

Mae hyn yn cynnwys:

• Her Salters
• Her Ysgol; a
• hyd yn oed rhai adnoddau gan ein partneriaid i gefnogi eich DPP!

Byddem wrth ein bodd yn gweld sut mae'ch myfyrwyr yn dod ymlaen ac os ydyn nhw'n llwyddo i ddatrys yr achos chwilfrydig ym Mhrifysgol Salterstown!

Manylion yma.

Gwefan Addysg y Gymdeithas Gemeg Frenhinol

Mae gan y Gymdeithas Gemeg Frenhinol wefan arbennig ar gyfer Addysg gyda phob math o adnoddau o'r cynradd i addysg bellach yn ogystal ag adran ar gyfer Technegwyr Gwyddoniaeth.

Manylion yma.

Cymdeithas Y Gwyddonwyr Cosmetig: Adnoddau ar gyfer disgyblion 11-16

Ar y wefan mae Ardal Athrawon gydag adnoddau ar gyfer athrawon a myfyrwyr. Yn cynnwys cynlluniau gwersi, taflenni gwaith ac arbrawf bom bath rhyngweithiol ar-lein.

Mae yna hefyd ystod o Astudiaethau Achos Gyrfa - mae yna gyfoeth o yrfaoedd yn y diwydiant gwyddoniaeth gosmetig. O lunio, i brofi, i weithio gyda brandiau rhyngwladol enfawr! Cymerwch gip ar y proffiliau, pob un ohonynt yn gweithio yn y diwydiant. 

Manylion yma.

Adnodd Gyrfaoedd gan yr IOP - Your future with Physics: A guide for young people

Mae gan yr IOP adnodd gyrfaoedd ar-lein, Your Future with Physics, i gefnogi pobl ifanc sy'n ystyried eu dewisiadau pwnc ac yn edrych tuag at eu gyrfa yn y dyfodol.

Mae'r canllaw gyrfaoedd yn rhoi cyngor ar astudio ffiseg yn ogystal ag enghreifftiau o'r byd go iawn o'r cyfleoedd y gall astudio ffiseg eu cynnig, ac mae'n arddangos llwybrau academaidd a galwedigaethol gan gynnwys prentisiaethau a rolau technegol. Bydd ffilmiau, straeon, cyfweliadau ac Holi ac Ateb yn helpu i lywio ac ysbrydoli pobl ifanc a'u teuluoedd. 

Manylion yma.

Pecyn IOP Clwb STEM

Mae'r pecyn clwb STEM (gwyddoniaeth, technoleg, peirianneg a mathemateg) yn cynnwys syniadau a gweithgareddau ffiseg i'w defnyddio mewn clybiau ar ôl ysgol.

Mae tair rhan i'r pecyn. Mae Adran 1 yn cynnwys naw gweithgaredd, y gellir cynnal pob un ohonynt dros 2-3 sesiwn, mae adran 2 yn cynnwys 20 o arbrofion “ffiseg i fynd” byr, y mae gan y mwyafrif ohonynt fideo cysylltiedig, ac mae adran 3 yn cynnwys dros 80 “Rhowch gynnig ar hyn gartref” yn cynnwys tîm cath a chŵn craff yr IOP, Marvin a Milo.

Manylion yma. 

ADNODDAU CYMRAEG: Cyfres fideos Arbrofion yn yr Ardd

Cyfres o fideos a darlithoedd byr ar ystod o bynciau gwyddonol wedi eu cyflwyno gan yr Athro Andrew Evans, adran Ffiseg Prifysgol Aberystwyth, o'i ardd. Cynhyrchwyd rhain fel rhan o Eisteddfod AmGen mewn ymateb i ohirio Eisteddfod Genedlaethol 2020 oherwydd COVID-19.

Manylion yma.

Prosiect canmlwyddiant RAF100: adnoddau STEM am ddim, gweithdai i ddisgyblion a DPP i athrawon a thechnegwyr

Mae gwefan RAF100 yn cynnig gweithgareddau STEM am ddim wedi eu ysgrifennu gan y Sefydliad Ffiseg (IoP) a defnydd hanesyddol, gan gynnwys fideos byr, gan y Gymdeithas Hanesyddol. 

Ysgrifennwyd y wefan a'i holl gynnwys ar gyfer Canmlwyddiant yr RAF yn 2018 ond mae'r holl weithgareddau ac adnoddau ar gael o hyd.

Manylion yma.

Chwilio am yr Higgs Boson gan ddefnyddio iPhone neu ddyfais Android! 

Mae'r App gynlluniwyd gan ffisegwyr ym Mhrifysgol Rhydychen, Collider, yn galluogi defnyddwyr i chwilio am y ronnynau Higgs Boson gan ddefnyddio data go iawn yn uniongyrchol oddi wrth y Peiriant Gwrthdaro Hadron Mawr yn CERN. Mae'r App hefyd yn cynnwys gemau – a gall adnabod yr Higgs yn llwyddiannus gael ei rannu ar Facebook.

Manylion yma.

Diamond: The Game

Ydych chi'n barod i dorri tir newydd gwyddonol yn un o'r cyfleusterau ymchwil mwyaf yn y DU? 

Mae Diamond: The Game yn rhoi myfyrwyr yn uniongyrchol yn y rôl fel ymchwilydd yn y Diamond Light Source, gan ymweld â gwahanol belydrau i wneud cynnydd mewn ystod amrywiol o brosiectau gwyddonol mewn Ffiseg, Cemeg, Treftadaeth Ddiwylliannol, a mwy. Wrth i chi deithio o amgylch y synchrotron bydd yn rhaid i chi wneud y gorau o'ch arbrofion, yn ogystal â gweithio gyda'ch cyd-chwaraewyr, er mwyn cael eich cofio fel y gwyddonydd enwocaf!

Creodd Dr Mark Basham a Dr Claire Murray o Diamond Light Source a Dr Matthew Dunstan o Brifysgol Caergrawnt y gêm i arddangos yr ymchwil a berfformiwyd yn y cyfleuster hwn sy'n arwain y byd, ond hefyd i roi profiad uniongyrchol i fyfyrwyr o'r gwahanol agweddau o weithio mewn ymchwil wyddonol sydd mewn gwirionedd. P'un ai yw'r amrywiaeth o wyddoniaeth sy'n bodoli, gwerth amserol cydweithredu hanfodol, siom arbrawf sydd yn methu, neu ddiolch am gymorth gwyddonydd staff cyfeillgar, mae'r gêm yn rhoi myfyrwyr yn uniongyrchol ar waith ac i wneud eu dewisiadau eu hunain am ba fath o wyddonydd maen nhw eisiau bod. 

Mewn ymateb i gau ysgolion Covid-19, mae fersiynau ychwanegol y gellir eu hargraffu i'w chwarae gartref, un ar gyfer 5+ ac un ar gyfer 10+. 

Manylion yma.

Tudalen Adnoddau Ffiseg a Seryddiaeth Prifysgol Caerdydd 

Os ydych chi ar ôl adnoddau ar gyfer eich plant, eich myfyrwyr, neu hyd yn oed eich hun, mae yna lawer ar gael o ystod eang o ffynonellau.

Fe welwch ddolenni i rai adnoddau a awgrymir gan staff a myfyrwyr Ysgol Ffiseg a Seryddiaeth Prifysgol Caerdydd. Mae rhai wedi cael eu creu ganddyn nhw, ond mae llawer yn dod o sefydliadau allanol - er eu bod i gyd yn cael eu hargymell! 

Manylion yma.

Adnoddau Addysg Perimeter Institute

Mae adnoddau digidol rhad ac am ddim Perimeter Institute wedi'u cynllunio i helpu athrawon i egluro ystod o bynciau ffiseg a gwyddoniaeth pwysig. Mae pob crynhoad yn cynnwys set o gynlluniau gwersi, gweithgareddau ymarferol a demos, taflenni gwaith y gellir eu haddasu, gwybodaeth gefndir i athrawon, a fideos gwreiddiol.

Manylion yma. 

Mae ganddyn nhw hefyd ystod eang o bosteri y gellir eu lawrlwytho yma.

Mae Adnoddau Addysg Y Gofod Universe in the Classroom nawr i gyd ar gael yn y Gymraeg!

Daeth cyllid Llywodraeth Cymru ar gyfer Universe in the Classroom i ben ym mis Mehefin 2018. Er hynny, mae'r wefan yn dal ar gael fel archif o'r prosiect.

Rydym yn gyffrous iawn i gyhoeddi y gallwn nawr gynnig ein holl ganllawiau gweithgaredd dosbarth yn Gymraeg!

Nod Universe in the Classroom yw helpu i wella addysgu gwyddoniaeth mewn ysgolion sydd â darpariaeth isel yng Nghymru. Oherwydd diffyg deunyddiau Cymraeg a chefnogaeth sydd ar gael, rydym yn categoreiddio holl ysgolion cyfrwng Cymraeg fel rhai â darpariaeth isel ac wedi rhoi pwyslais ar gynnig lleoedd i'r ysgolion hyn ar ein rhaglen.

Mae Universe in the Classroom yn gweithio gyda chanran uwch o ysgolion cyfrwng Cymraeg na'r cyfartaledd cenedlaethol, gyda 22% o'n hysgolion partner yn gyfrwng Cymraeg. Felly, mae darparu deunyddiau Cymraeg yn flaenoriaeth.

Rydym yn falch iawn ein bod nawr yn gallu cynnig pob un ond un o'n hadnoddau yn yr iaith Gymraeg! Mae hyn yn cynnwys detholiad o lyfrynnau gweithgaredd argraffadwy, modelau torri allan a chanllawiau gweithgaredd dosbarth.

Gallwch ddod o hyd i'n adnoddau i gyd yn y Gymraeg ar ein gwefan www.universe.wales/welsh-activities.

Dyddiaduron Gofod ac Adnoddau Principia AM DDIM: byddwch fel Tim Peake!

**Ar gael yn y Gymraeg**

Mae Dyddiadur Gofod Principia yn ei ôl. Unwaith eto mae miloedd o blant ysgol yn cael y cyfle i ddod yn arbenigwyr gofod wrth iddynt ddysgu am daith ofod hanesyddol gofodwr Prydeinig Asiantaeth Ofod Ewrop Tim Peake.

Nod y rhaglen Dyddiadur Gofod yw grymuso plant ac ennyn eu diddordeb mewn dysgu Gwyddoniaeth, Technoleg, Peirianneg a Mathemateg (STEM) trwy roi cyfle i greu a phersonoli eu llyfr eu hunain tra eu bod yn dilyn taith Tim.

Mae'r holl gynlluniau gwersi yn cael eu gwahaniaethu ar gyfer CA1 a CA2 ar gyfer athrawon yng Nghymru, Lloegr, yr Alban a Gogledd Iwerddon a mae gweithgareddau ymestyn yn darparu heriau ychwanegol i'r rheini sydd eu hangen. Lawrlwythwch pennod gyntaf y Dyddiadur Gofod Principia yn y Gymraeg yma.

A Oes unrhyw un allan yna?

Mae'r adnodd hwn yn seiliedig ar yr ymdrech i ddarganfod mwy am gysawd yr haul trwy brosiectau gofod megis rhaglen Aurora yr Asiantaeth Ofod Ewropeaidd, a Chenhadaeth Chwilfrydedd NASA i geisio casglu tystiolaeth o fywyd ar y blaned Mawrth. Caiff ei ariannu gan Asiantaeth Ofod y DU a datblygwyd gan ESERO-UK a CIEC i Hyrwyddo Gwyddoniaeth

Mae myfyrwyr yn ymgymryd â rôl gwyddonwyr y gofod neu beirianwyr i ddarganfod mwy am y blaned Mawrth. Mae'r gweithgareddau yn yr adnodd hwn wedi eu cynllunio ar gyfer myfyrwyr rhwng 9-12 oed. Manylion yma.

'Mission X': Hyfforddi fel gofodwr

Heriau Addysg Gorfforol a gwyddoniaeth i ddysgu am gadw'n iach yng nghyd-destun archwilio'r gofod.

Mae 'Mission X' yn defnyddio cyffro archwilio'r gofod i ysbrydoli myfyrwyr i ddysgu mwy am faeth, ymarfer corff, gwyddoniaeth ac archwilio'r gofod. Bydd ysgolion sy'n cofrestru ar gyfer y sialens yn derbyn gwahoddiadau i ystod o weithgareddau allgymorth ychwanegol.

Mae'r gweithgareddau yn yr adnodd hwn wedi eu cynllunio ar gyfer myfyrwyr 8 -14 oed ond gellir ei addasu i grwpiau oedran hŷn ac iau. Gallant hefyd gael eu defnyddio ar gyfer clybiau ar ôl ysgol a digwyddiadau dysgu anffurfiol. 

Manylion yma.

Sun|trek – Ewch ar daith i'r gofod a chael gwybod mwy am yr Haul a'i effaith ar y Ddaear…

Mae gan y wefan hon awgrymiadau a syniadau defnyddiol gan athrawon ac addysgwyr.

Mae yna hefyd bosteri addysgiadol y gellir eu lawrlwytho. Mae adnoddau eraill ar gael ar gais i dîm Sun|trek, megis CDs solar, taflenni, pinnau ysgrifennu Sun|trek neu bosteri.

 Mwy yma.

Animeiddiadau Paxi

Mae animeiddiadau byr o Paxi, estron cyfeillgar yn archwilio, yn ffordd wych o gyflwyno plant i Gysawd yr Haul, comedau a dod o hyd i dystiolaeth o fywyd ar y blaned Mawrth.

Mwy yma.

'ESA Education'

Mae Swyddfa Addysg ESA (European Space Agency) yn gyfrifol am raglen addysg gorfforaethol yr Asiantaeth sy'n dod â phobl ifanc o lawer o wahanol genhedloedd ynghyd. Y nod yw helpu Ewropeaid ifanc, rhwng 6 a 28 oed, i ennill a chynnal diddordeb mewn gwyddoniaeth a thechnoleg, gyda'r amcanion hir-dymor o gyfrannu tuag at greu cymdeithas sy'n seiliedig ar wybodaeth a sicrhau bodolaeth gweithlu cymwys i'r Asiantaeth a fydd yn sicrhau arweinyddiaeth barhaus Ewrop mewn gweithgareddau gofod.

Cyflawnir hyn trwy drefnu gweithgareddau amrywiol sydd wedi'u cynllunio ar gyfer grwpiau oedran penodol, gan hysbysu'r gymuned addysgol am y datblygiadau hyn, a darparu deunyddiau ysbrydoledig sy'n cynorthwyo athrawon a myfyrwyr gyda'r broses ddysgu.

Adnoddau yma.

Chilled Education – Cynlluniau gwersi am ddim a llawer mwy

Mae Chilled Education yn darparu adnoddau dychmygus a syniadau gyrfa ysbrydoledig ar gyfer addysgu gwyddoniaeth. O gynlluniau gwersi pwrpasol am ddim (ar gyfer CA 2-4) i adnoddau ymarferol arloesol mae'r fenter yn defnyddio bwyd fel adnodd dosbarth. Ei nod yn y pen draw yw harneisio diddordeb myfyrwyr mewn gwyddoniaeth i'w gosod ar ystod eang o yrfaoedd gwerth chweil yn y sector cynhyrchu bwyd oer. Darganfyddwch fwy a lawrlwythwch y cynlluniau yma.

'The Crunch'

Pwrpas y Crunch, a grëwyd gan Ymddiriedolaeth Wellcome, yw annog plant i ystyried sut y mae ein bwyd, ein hiechyd a'n planed i gyd yn gydgysylltiedig. Mae yn rchwilio ein perthynas â bwyd, ac trafod ymchwil arloesol fel y gallwn ei fwyta mewn ffyrdd sy'n gallu cadw ein planed a ni ein hunain yn iach.

Ceir gweithgareddau sy'n gysylltiedig â'r cwricwlwm ar gyfer plant o bob oed a dramâu y gellir ei berfformio yn yr ysgol ac sy'n archwilio nifer o faterion yn ymwneud â diogelwch bwyd, cynaliadwyedd a bwyta'n iach.

Yn 2016, danfonwyd pecynnau Crunch i bob ysgol. Mae'r pecynnau adnoddau anhygoel ar gyfer pob grŵp oedran i archwilio'r cysylltiadau rhwng ein bwyd ein hiechyd a'n planed. Byddwch hefyd yn dod o hyd i'r adnoddau a dramâu ar gyfer pobl ifanc 4-11 oed sydd wedi cael eu cyfieithu i'r Gymraeg. 

Manylion yma.

OurFuture.Energy

OurFuture.Energy yw'r lle i athrawon ddod o hyd i'r holl adnoddau ar thema ynni y bydd eu hangen arnoch ar gyfer eich ystafell ddosbarth. Mae'r wefan yn cynnwys banc cynyddol o ddeunyddiau adnoddau sydd yn cydfynd â'r cwricwlwm ar gyfer ysgolion yng Nghymru, Lloegr, yr Alban a Gogledd Iwerddon. Mae hefyd yn wych i bobl ifanc 11 i 16 oed ei ddefnyddio wrth astudio ar gyfer gwaith cartref neu arholiadau.

I gael y diweddariadau diweddaraf yn syth i'ch mewnflwch, cofrestrwch ar gyfer cylchlythyr OurFuture.Energy!

Mwy o fanylion yma.

'Energy Chest'

Mae trysor cudd o wybodaeth a gweithgareddau i gefnogi astudiaethau ynni yn ysgolion y DU. Mae 'Energy Chest' wedi cael ei ddatblygu ar gyfer disgyblion rhwng 8-14 oed ac fe'i rhennir yn dri modiwl: Ynni mewn Adeiladau, Ynni a'r Amgylchedd, Ffynonellau Ynni.

Manylion yma..

Energise Anything

Cymerwch ran a chael eich ysbrydoli gydag Energize Anything, cyfres o adnoddau am ddim gyda'r nod o ennyn diddordeb pobl ifanc rhwng 5 a 18 oed mewn pynciau STEM.

O bweru cytrefi Martian i ddynwared pengwiniaid, bydd ein hystod o adnoddau rhad ac am ddim yn bywiogi meddyliau chwilfrydig pobl ifanc ac yn eu helpu i ddarganfod gwyddoniaeth mewn ffyrdd annisgwyl.

Manylion yma.

Medicine Makers

Mae'r Gymdeithas Biocemegol a Chymdeithas Ffarmacolegol Prydain wedi cynhyrchu gweithgaredd allgymorth ryngweithiol am ryngweithiadau cyffuriau-darged a elwir yn Medicine Makers.

Dewch o hyd i'r canllawiau a nodiadau cyfarwyddyd RHAD AC AM DDIM ar wefan Adnoddau STEM Learning.

Manylion yma.

Y Sefydliad Ffiseg a Pheirianneg mewn Meddygaeth (IPEM)

Oeddech chi'n gwybod y gall astudio Ffiseg neu Beirianneg yn arwain at amrywiaeth eang o yrfaoedd mewn meddygaeth?

Mae Y Sefydliad Ffiseg a Pheirianneg mewn Meddygaeth (IPEM) wedi cynhyrchu tri fideo gyrfaoedd ar yr ystod o yrfaoedd ffiseg a pheirianneg gwerth chweil sydd ar gael ar bob lefel mewn gofal iechyd. Maent yn arddangos rhai o'r nifer o wahanol swyddogaethau, gan gynnwys gwaith uniongyrchol gyda chleifion, y rhai mewn swyddi ystafell gefn sy'n helpu i sicrhau diogelwch ac effeithiolrwydd triniaethau, ac ymchwilwyr a datblygwyr sydd yn gwella triniaethau ac offer. 

Manylion yma.

Adnoddau Gyrfaoedd Medical Mavericks

Mae gwefan Medical Mavericks yn nodi eu bod yn ysbrydoli'r genhedlaeth nesaf o feddygon a gwyddonwyr trwy fynd ag offer go iawn gwyddoniaeth feddygol a chwaraeon i ysgolion, colegau a digwyddiadau ledled y DU. Maent yn disgrifio'u hunain fel, "The UK's No 1, OMG, jaw dropping Careers, STEM & Sports Science Enrichment Experience for schools, colleges and events!"

Mae ganddyn nhw hefyd adran Gyrfaoedd wych gyda digon o adnoddau y gellir eu lawrlwytho.

Manylion yma.

ASE Hwb Coronafeirws

Dyma gasgliad o adnoddau a dolenni sydd wedi'u cynllunio i gynorthwyo aelodau ASE, y gymuned addysg wyddoniaeth yn gyffredinol a'r cyhoedd dros yr wythnosau a'r misoedd nesaf. Mae hwn yn adnodd byw sy'n tyfu, felly dychwelwch a rhannwch gyda'ch ffrindiau a'ch cydweithwyr ...

Fel cymuned broffesiynol sy'n ymroddedig i gefnogi rhagoriaeth mewn addysgu a dysgu gwyddoniaeth, rydym yn benderfynol o wneud popeth o fewn ein gallu i gefnogi pobl dros yr wythnosau a'r misoedd nesaf. Ar y dudalen hon, fe welwch gasgliad o ddeunyddiau a grëwyd yn benodol gennym ni y gobeithiwn a allai fod o gymorth yn ystod yr argyfwng iechyd presennol a chyfeiriadur o ddolenni (gyda fersiynau Cynradd ac 11-19) i asedau ac adnoddau a grëwyd gan eraill yr ydym yn teimlo eu bod yn cefnogi ein nod o hyrwyddo rhagoriaeth mewn addysg wyddoniaeth. Mae'r adnoddau yn y ddau gyfeiriadur hyn yn cael eu hadolygu gan yr addysgwyr yn ein pwyllgorau Cynradd ac 11-19 yn barhaus.

Manylion yma.

FIRE Lab Kids

Mae FIRE Lab Kids yn darparu lle diogel i bobl ifanc chwarae wrth iddynt ddysgu am ddyfroedd croyw a'r ymchwil y mae ein labordy yn ymwneud ag ef. Mae hefyd yn bartner cyfoethogi ac ymgysylltu gwyddoniaeth-celf i bobl ifanc, athrawon, rhieni a gofalwyr. Gallwch ddod o hyd i a lawrlwytho llyfrau, gweithgareddau a gemau o wahanol lefelau sgiliau wedi'u hanelu at bobl ifanc rhwng 5 ac 11 oed. Gall athrawon, gofalwyr neu rieni gysylltu â ni i drefnu gweithgareddau ymgysylltu a chyfoethogi ar gyfer eu hystafell ddosbarth, clybiau neu grwpiau. Mae'r holl ddeunyddiau a gweithgareddau ar FIRE Lab Kids yn rhad ac am ddim ac ar gael i'r cyhoedd. Gadewch i ni ddysgu a rhannu am ein hafonydd lleol!

Manylion yma.

Prosiect Eden - Teithiau ysgol rhithiol

Gweithdai rhithwir sy'n gysylltiedig â'r cwricwlwm ar gyfer eich dosbarth

Mwynhewch ddogn o ysbrydoliaeth Eden i'ch dosbarth ble bynnag yr ydych. Cyflwynir ein teithiau ysgol rhithwir ar-lein gan aelod o'n Tîm Addysg yn arbennig ar gyfer eich dosbarth chi. Byddwn yn arwain y sesiwn ac yn darparu'r holl adnoddau a deunyddiau sydd eu hangen arnoch i gefnogi'ch dysgwyr yn y dosbarth.

Mae yna ddewis o themâu ar gyfer blynyddoedd 3 i 9.

Sylwch fod cost am y sesiynau.

Manylion yma.

'Adventures at Sea'

Wedi ei ariannu gan y Sefydliad Addysgol Morwrol, mae Adventures at Sea yn adnodd ar-lein llawn hwyl, wedi'i gynllunio i godi dyheadau wrth gyflwyno plant i'r Llynges Fasnachol. Mae'n troi o gwmpas wyth o weithgareddau STEM craidd sy'n gofyn i blant ddylunio, adeiladu, lansio, llwytho a chynnal eu llongau. Ychwanegir fideo fer i bob un o'r gweithgareddau sy'n dod â'r diwydiant morwrol yn fyw. Wedi'i anelu at flynyddoedd 5/6, mae hyn yn addas ar gyfer gweithgareddau dosbarth a chlybiau STEM / gwyddoniaeth, ac mae'n cynnwys canllaw athro i'w lawrlwytho.

Manylion yma.

Darganfod Deunyddiau gyda IOM3

Mae'r Sefydliad Deunyddiau, Mwynau a Mwyngloddio (IOM3) Cynllun Cysylltu Ysgolion (SAS) yn anelu at ddarparu cymorth ac adnoddau sy'n cyfoethogi addysgu deunyddiau fel pwnc yn y cwricwlwm ar gyfer disgyblion 11 i 19 oed, darparu athrawon sydd â'r wybodaeth a'r ddealltwriaeth angenrheidiol i addysgu yn y meysydd hyn gyda hyder a brwdfrydedd a darparu cysylltiadau i aelodau, sefydliadau a phrifysgolion sy'n gallu darparu cymorth ychwanegol.

Mae aelodaeth safonol yn y cynllun yn rhad ac am ddim ac yn rhoi mynediad i ystod eang o adnoddau i athrawon drwy wefan SAS. Mae'r rhain yn cynnwys cylchlythyrau, deunyddiau cymorth, cylchgronau a chyfnodolion, cyflwyniadau, cysylltiadau â rhwydwaith Sefydliad o gymdeithasau lleol a mynediad at y Gwasanaeth Gwybodaeth Deunyddiau.

Mae aelodau hefyd yn cael mynediad i adnoddau ychwanegol megis sesiynau deunyddiau sy'n gysylltiedig â'r cwricwlwm yn yr ysgol, Deunyddiau Blychau Darganfod neu fynychu cynhadledd i athrawon,lle codir tâl bychan.

Mae'r adnoddau a gynhyrchir ar gyfer aelodau yn briodol i'r pwnc deunyddiau a welir yn y Cwricwlwm Gwyddoniaeth a D & T o Gyfnod Allweddol 3 i fyny, ac rydym bob amser yn agored i awgrymiadau ar gyfer adnoddau newydd a fyddai'n gwella eich deunyddiau addysgu.

Manylion y Cynllun Cysylltu Ysgolion yma.

Ospreys Kids

Mae byd hynod ddiddorol hedfan yn aros amdanoch chi!

Ymunwch i archwilio ystod eang o weithgareddau dysgu yn y cartref ac adnoddau ar gyfer rhieni a phlant. Yma fe welwch gystadlaethau, heriau a gweithgareddau hwyliog yn ymwneud â hedfan a fydd yn gwneud i'ch amser gartref hedfan heibio! 

Manylion yma.

Pecyn Gweithgareddau yn y Cartref Flying Start Challenge 

Mae Flying Start Challenge yn gystadleuaeth ranbarthol i ddylunio ac adeiladu gleider a lansiwyd â llaw a fydd yn hedfan mor bell ac mor syth â phosibl.

Yn ystod Cloi Covid-19, mae'r Pecyn Gweithgaredd Cartref hwn ar gael. Defnyddiwch ef i'ch helpu chi i ddysgu am ddylunio, cynhyrchu a phrofi awyrennau gartref yn barod a'ch ysbrydoli i ddod yn beiriannydd yn y dyfodol. 

Manylion yma.

Gwefan Sefydliad Airbus

Mae'r porth ar-lein hwn yn helpu pobl ifanc i ddeall gwyddoniaeth trwy fyd awyrofod. Mae hefyd yn bartner addysg wyddoniaeth i athrawon a rhieni ymgysylltu myfyrwyr â STEM (Gwyddoniaeth, Technoleg, Peirianneg a Mathemateg). Archwiliwch y gofod hwn i ddysgu, dylunio a chysylltu ag eraill.

Dewch o hyd i fideos, gemau, cwisiau a mwy ar gyfer plant 8 i 17 oed. 

Manylion yma.

Sianel YouTube Creature Ark

Mae gan Creature Ark eu sianel YouTube eu hunain gyda chasgliad o fideos yn cyflwyno eu hanifeiliaid. Mae anifeiliaid yn amrywio o chwilod duon hisian a tharantwla i ffured ac mae pob fideo yn addysgiadol iawn.

Manylion yma.