Llysgenhadon STEM

Partner Llysgenhadon STEM Cymru

Mae Llysgenhadon STEM yn gwirfoddoli eu hamser a'u harbenigedd i hyrwyddo STEM i bobl ifanc mewn ffyrdd gwreiddiol, creadigol, ymarferol ac atyniadol.

Mae Gweld Gwyddoniaeth yn gweithio gyda dros 2,000 o wirfoddolwyr gwych ac ysbrydoledig sy'n cefnogi'r cwricwlwm STEM mewn ysgolion, yn cefnogi gweithgareddau STEM yn y gymuned ac yn codi ymwybyddiaeth o yrfaoedd STEM.

Pwy yw Llysgenhadon STEM?

Mae Llysgenhadon STEM o amrywiaeth o gefndiroedd, gan gynrychioli nifer fawr o wahanol gyflogwyr.

Ymhlith llawer o gefndiroedd a phroffesiynau eraill, mae ein Llysgenhadon STEM yn cynnwys: gwyddonwyr amgylcheddol, peirianwyr awyrofod, dadansoddwyr ynni, daearegwyr, genetegwyr, ffisegwyr niwclear, peirianwyr cemegol, dylunwyr graffig, rheolwyr cyllid, penseiri, dylunwyr gemau, rheolwyr prosiect, syrfewyr a gweithwyr meddygol proffesiynol.

Sut mae Llysgenhadon STEM yn gwneud gwahaniaeth?

Maent yn helpu i agor y drysau i fyd o gyfleoedd a phosibiliadau sy'n deillio o ddilyn pynciau a gyrfaoedd STEM.

Mae ymchwil yn dangos bod Llysgenhadon STEM yn codi ‘cyfalaf gwyddoniaeth’ pobl ifanc, yn cynyddu eu hymgysylltiad â STEM, codi eu dyheadau ac yn eu helpu i wneud penderfyniadau gwybodus am eu gyrfaoedd.

P'un a'i ydych chi'n gyflogwr, athro, arweinydd grŵp cymunedol neu arweinydd ieuenctid, neu yn gwirfoddoli fel Llysgennad STEM ar hyn o bryd, gallwn eich cefnogi chi.

Cliciwch ar y penawdau isod i wybod mwy am wahanol agweddau ar ddod a bod yn Llysgennad STEM.

Dod yn Lysgennad STEM – sut i gofrestru

Cofrestru

Ymunwch â'r rhaglen achrededig hon a gwnewch wahaniaeth. Os hoffech chi ddod yn Llysgennad STEM, cofrestrwch gyda STEM Learning yma neu cysylltwch â ni i ddarganfod mwy.

Bod yn Llysgennad STEM

Darganfyddwch y nifer o ffyrdd y mae Llysgenhadon a Chyflogwyr STEM yn cefnogi athrawon, ysgolion a grwpiau cymunedol.

Gallwch lawrlwytho llawlyfrau ar gyfer Llysgenhadon STEM, Athrawon ac Arweinwyr Ieuenctid a Chymuned yma.

Mae'r rhain yn darparu canllaw manwl ar wneud y gorau o'r rhaglen Llysgenhadon STEM, gyda chefnogaeth ar bopeth o gofrestru, sut i gael help a hyfforddiant a chynllunio a darparu gweithgareddau llwyddiannus, gafaelgar i bobl ifanc.

Hyfforddiant sefydlu ar gyfer Llysgenhadon STEM

Wrth gofrestru, mae pob Llysgennad STEM yn cael dolen i'r hyfforddiant sefydlu Future Learn. Cyfres o fodiwlau ar-lein yw hwn gydag ardystiad ar ôl cwblhau'r hyfforddiant.

Cysylltwch â'ch Cydlynydd Llysgenhadon STEM os nad ydych wedi derbyn y ddolen hyfforddi.

Rydym hefyd yn cynnal hyfforddiant wyneb yn wyneb i gyflogwyr a grwpiau. Bydd angen lleiafswm o fynychwyr. Mae'r sesiynau hyn yn hyfforddiant estyniad dewisol, ac yn ategu'r cwrs sefydlu ar-lein ar gyfer pob Llysgennad STEM.
Cysylltwch â Chydlynydd Llysgenhadon STEM i drefnu sesiwn hyfforddi cyswllt fideo.

O ganlyniad i bandemig Covid-19 rydym bellach yn cynnig hyfforddiant galwadau fideo ar gais. Fel y mae amodau diogel yn caniatáu, gellir ystyried hyfforddiant ar y safle yn unol â rheoliadau Llywodraeth Cymru bryd hynny.

Hyfforddiant ychwanegol ar gyfer Llysgenhadon STEM

Gallwn gynnig sesiynau hyfforddi yn eich gweithle i 6 neu fwy o weithwyr. Mae'r sesiynau hyn bellach hefyd ar gael fel galwad fideo. Gall y sesiwn gwmpasu sgiliau mentora, sgiliau cyflwyno, sut i ddatblygu gweithgareddau rhyngweithiol ac archwilio gwefan STEM - bydd pob un ohonynt yn gwella eich profiad fel Llysgennad STEM.

Rydym yn cynnal sesiynau rhwydweithio a hyfforddiant ymarferol yn rheolaidd gydag ystod eang o bartneriaid. Os oes gennych ddiddordeb mewn datblygu eich sgiliau, dysgu cyflwyno gweithgaredd ymarferol neu ymestyn eich cyrhaeddiad i ysgolion a'r gymuned, darllenwch trwy'r cyfleoedd isod. Mae yna hefyd fwy o gyfleoedd ar y dudalen Beth sy’ mlaen.

Ysbrydoli Pobl Ifanc – DPP ar-lein AM DDIM STEM

DPP AM DDIM ar-lein gan STEM Learning – darganfod sut i gynllunio a chynnal gweithgareddau Llysgennad STEM effeithiol.

Hyfforddiant 'Pobl Fel Fi'

Mae'r ymgyrch hyfforddi hon wedi'i anelu at ferched 11-14 oed ac mae'n dangos bod STEM ar gyfer pawb.

Hyfforddiant Llysgennad "STEM Cwrdd â Ni"

Rydym yn cynnig hyfforddiant rheolaidd "Cwrdd â Ni" a gynlluniwyd i gynnig hyfforddiant a chyfleoedd pellach i Lysgenhadon STEM presennol gydag amrywiaeth o syniadau pellach a chymorth wedi'i deilwra.

'Powerful Practicals'

Yn ystod y sesiwn hon fe gewch greu a datblygu gweithgareddau ymarferol newydd ac yna eu gwerthuso. Bydd hyn yn eich helpu i drosi eich syniadau eich hun i mewn i weithdai y gallech eu darparu ar gyfer pobl ifanc.

Sgiliau Mentora

Dysgwch sut i ddatblygu eich sgiliau fel mentor, profi eich sgiliau cyfathrebu a llawer mwy. Mae'r hyfforddiant diwrnod llawn hwn yn ddelfrydol i rywun sy'n gweithio gydag ysgol neu berson ifanc yn rheolaidd neu sydd â diddordeb mewn bod yn fentor CREST ar-lein.

Hyfforddiant Sgiliau Lego

Ydych chi'n chwilio am ffordd i wella gweithdai STEM mewn Ysgol Gynradd neu Uwchradd? Gallai LEGO® Education WeDo 2.0 new Lego Mindstorms fod yr ateb perffaith

Mae Lego® yn dod â phrosiectau gwyddoniaeth go iawn i'r ystafell ddosbarth. Cyfle i roi darganfyddiadau gwyddonol a dysgu rhaglennu yn nwylo'ch disgyblion

Hyfforddiant pellach

Cyfle i adolygu eich hyfforddiant sefydlu ac ymestyn ymhellach gan ddefnyddio offer ar-lein STEM Learning ynghyd â gweithgareddau ymarferol ac adnoddau perthnasol.

Os hoffech ragor o wybodaeth am unrhyw un o'r offer hyfforddi hyn, cysylltwch â ni.

Adnewyddu DBS ar gyfer Llysgenhadon STEM

Byddwch yn derbyn hysbysiad gan STEM Learning pan fydd eich tystysgrif DBS i fod i ddod i ben. Gwnewch yn siŵr eich bod yn gwneud yr hyn sy'n ofynnol, hyd yn oed os yw'ch tystysgrif wedi'i chofrestru ar y gwasanaeth diweddaru.

Os oes gennych unrhyw ymholiadau yn ymwneud â’r broses gofrestru, gan gynnwys y rhaglen gynefino ar-lein, neu unrhyw ran o’r broses DBS, cysylltwch â STEM Learning SARegistration@stem.org.uk.

Lanlwytho gweithgareddau

Dylai Llysgenhadon STEM gadw eu proffiliau'n gyfredol trwy gofnodi eu 'gweithgareddau'. Mae arweiniad ar sut i lanlwytho gweithgareddau yn y dyfodol ac yn y gorffennol yn y pdf hwn.

Os mewngofnodwch i'ch proffil Llysgennad STEM gallwch lanlwytho gweithgareddau STEM a phori hefyd trwy geisiadau a chyfleoedd 'byw'.

Dod o hyd i gyfleoedd Llysgennad STEM

Am gyfleoedd yng Nghymru ac ar draws y rhwydweithiau rhanbarthol:

Mewngofnodwch i'ch proffil Llysgennad STEM
Cliciwch y blwch gwympo 'Gweithgareddau' ar yr ochr chwith
Chwiliwch trwy hidlo yn ôl radiws cod post, math o weithgaredd - gan gynnwys gweithgareddau ar-lein - neu arbenigedd (ee Peirianneg, Gwyddoniaeth ac ati)
Cliciwch ar y gweithgaredd sy'n apelio atoch chi. Mae'r dudalen yn agor i roi mwy o wybodaeth i chi. Yna gallwch chi 'fynegi diddordeb' ar y dudalen Gweithgaredd.

Bydd yr unigolyn sydd wedi postio'r cais yn cysylltu â chi i drafod eu cais a gwneud cynllun. Peidiwch ag anghofio y gallwch chi wrthod ar unrhyw adeg am unrhyw reswm.

Dod yn 'weithredol' (active) yn y rhaglen Llysgennad STEM

Mae gan Lysgenhadon STEM lawer o ffyrdd i ddod yn 'weithredol' yn y rhaglen:

Mewngofnodi i'ch proffil Llysgennad STEM a defnyddio'r cyfleuster 'Pori Gweithgareddau'
Trwy gysylltiadau cyflogwr neu bersonol
Trwy geisiadau yn y Cylchlythyr Llysgenhadon STEM

Rhowch eich adborth

Adborth

Er mwyn sicrhau gwelliant parhaus y rhaglen Llysgenhadon STEM, byddai STEM Learning yn gwerthfawrogi eich adborth gwerthfawr ar y gweithgaredd Llysgennad STEM diweddar yr oeddech yn rhan ohono. Gallwch roi eich adborth trwy eich proffil Llysgennad STEM neu yma.

Defnyddir eich adborth i barhau i wella'r rhaglen Llysgenhadon STEM ac i sicrhau eich bod chi, ysgolion lleol a sefydliadau eraill yn cael cefnogaeth dda gan eich Partner Llysgenhadon STEM.

Yn yr adran hon