Ysgolion a grwpiau eraill
Mae Gweld Gwyddoniaeth yn cefnogi darpariaeth STEM (Gwyddoniaeth, Technoleg, Peirianneg a Mathemateg) ledled Cymru i bob ysgol, coleg addysg bellach, sefydliad addysg uwch a grwpiau cymunedol.
Llysgenhadon STEM
Mae'r rhaglen Llysgenhadon STEM yn adnodd pwerus AM DDIM sydd wedi'i gynllunio i ysbrydoli pobl ifanc am bynciau STEM a gyrfaoedd STEM.
Gweld Gwyddoniaeth sydd yn cydlynu'r rhaglen a ni yw’r Partner Llysgenhadon STEM Cymru.
Darganfyddwch yma sut i ddod o hyd i Lysgenhadon STEM a all gael effaith gadarnhaol a bod o fudd i'ch ystafell ddosbarth.
Cylchlythyrau Gweld Gwyddoniaeth i ysgolion a cholegau
Mae Gweld Gwyddoniaeth yn anfon cylchlythyrau e-bost rheolaidd i'ch hysbysu am ddigwyddiadau, datblygiadau a mentrau sy'n gysylltiedig â darparu STEM ledled Cymru.
Clybiau STEM
Mae Clybiau STEM yn ffordd bwerus a difyr dros ben i ennyn diddordeb myfyrwyr mewn pynciau STEM.
Gallant fod yn hwyl ac yn foddhaol i fyfyrwyr ac arweinwyr clwb, a chael effaith gadarnhaol ar yr ysgol.
Gweithdai i ysgolion
Mae Gweld Gwyddoniaeth yn cynnig ystod o weithdai pwrpasol hanner diwrnod a diwrnod llawn.
Mae'r gweithdai wedi'u cynllunio i ddarparu cyfres o heriau i'r disgyblion.
Dyluniwyd y gweithgareddau fel y gellir eu defnyddio hefyd fel gweithgareddau diwrnod pontio.
Mae'r heriau wedi'u cynllunio i hwyluso dysgu, gweithio mewn tîm ac annog chwilfrydedd disgyblion i ddarganfod sut a pham mae pethau'n gweithio. Yn ystod pob her bydd disgyblion yn datblygu eu sgiliau datrys problemau, cyfathrebu ac arloesi.
Llyfrgell adnoddau STEM
Mae gan Gweld Gwyddoniaeth lawer o adnoddau ar gael i gyfoethogi a gwella'r ddarpariaeth STEM yn eich ysgol.
Dilynwch y ddolen i gael rhestrau cynhwysfawr o adnoddau cyfoes ynghyd â darparwyr allanol sy'n cynnig gweithgareddau neu wasanaethau sy'n gysylltiedig â STEM.
Cyfleoedd Hyfforddi a Datblygu
- Fel Hwb Llysgenhadon STEM, byddwn yn cynnal digwyddiadau rhwydweithio i athrawon gael cwrdd â Llysgenhadon STEM a thrafod syniadau. Ewch i'n tudalen ddigwyddiadau i wybod mwy.
- Mae STEM Learning yn cynnig ystod o ddewisiadau DPP, rhai yn y Ganolfan STEM Genedlaethol yn Efrog ac eraill trwy'r Partneriaethau Dysgu Gwyddoniaeth.
- Os hoffech drefnu sesiwn hyfforddi neu weminar arbennig yna cysylltwch â ni yn ymholiadau@gweld-gwyddoniaeth.co.uk.
CREST
Mae CREST yn gynllun a gydnabyddir yn genedlaethol sy'n ysbrydoli pobl ifanc i feddwl ac ymddwyn fel gwyddonwyr a pheirianwyr trwy waith prosiect dan arweiniad myfyrwyr yn y pynciau STEM (gwyddoniaeth, technoleg, peirianneg a mathemateg).
Gweld Gwyddoniaeth yw Sefydliad Cymorth Rhanbarthol CREST (RCSO) Cymru. Rydym yn darparu arweiniad arbenigol trwy gydol y broses Gwobrau CREST.