Angen Astudiaethau achos

I ddathlu Wythnos Genedlaethol Prentisiaethau rhwng 6 a 12 Chwefror, mae rhai ohonom yn Gweld Gwyddoniaeth wedi cofrestru ar gwrs Ymarferydd Prentisiaeth Dysgu Digidol lefel 3. Mae’r brentisiaeth o fudd i ni yma mewn sawl ffordd, ac mae gallu parhau i weithio tra’n cael y cyfle i lenwi bwlch yn ein gwybodaeth yn hynod fanteisiol. Mae yna lawer o wahanol lefelau o brentisiaethau sy'n cwmpasu amrywiaeth o feysydd pwnc. Mae rhai o’n Llysgenhadon STEM wedi cwblhau prentisiaethau ac wedi creu gyrfa lwyddiannus oherwydd y cymhwyster a’r hyfforddiant lleoliad gwaith a gynigir gyda phrentisiaethau. Os ydych yn Llysgennad STEM a hoffai rannu eich profiad o fynd trwy raglen brentisiaeth yna cadwch olwg am gyfleoedd i fynychu ffeiriau gyrfaoedd.

Mewn ffeiriau gyrfaoedd a digwyddiadau rhwydweithio i fyfyrwyr y cewch gyfle i rannu eich profiad. Fel arall, os ydych mewn sefydliad a’ch bod yn cynnig cynlluniau prentisiaeth yna bydd myfyrwyr yn elwa’n fawr o glywed yn uniongyrchol am fanteision prentisiaethau gan gyflogwyr. Os ydych chi’n teimlo yr hoffech chi helpu i ddathlu Wythnos Genedlaethol Prentisiaethau, cysylltwch â ni gan fod llawer o ddigwyddiadau gyrfaoedd y gallech chi eu mynychu i rannu eich profiadau.

Gŵyl Wyddoniaeth Caerdydd 2023 18 - 22 Chwefror

Bwriad Gŵyl Wyddoniaeth Caerdydd yw ysbrydoli ac addysgu drwy'r ddinas gyfan. Rydym yn dod â'r ŵyl i chi gyda gweithgareddau cyffrous yn cael eu cynnal o gwmpas Caerdydd gan adael i chi ddatgelu'r wyddoniaeth tu ôl i'ch bywyd bob dydd. Ein nod yw dathlu gwyddoniaeth, technoleg, peirianneg a mathemateg, a sut maent yn effeithio ar ein bywydau bob dydd. Rydyn ni'n dod a gwyddonoiaeth i chi gydag amrywiaeth o ddigwyddiadau sy'n sicr o swyno a dysgu rhywbeth newydd i chi.  Manylion yma.

Diwrnod Darwin

Dathlwch ben-blwydd Darwin ar 12 Chwefror gyda’r set hon o adnoddau gan yr ARKive, Wellcome, Linnean Learning ac Ymddiriedolaeth Charles Darwin sy’n darparu arbrofion a gweithgareddau sy’n edrych ar addasu, amrywiad, detholiad naturiol, ac esblygiad.

Wythnos Genedlaethol Gyrfaoedd, Mawrth 6 -13 

Mae Wythnos Genedlaethol Gyrfaoedd (NCW) yn ddathliad wythnos o arweiniad gyrfaoedd ac adnoddau rhad ac am ddim mewn addysg ledled y DU. Ein nod yw darparu ffocws ar gyfer gweithgaredd cyfarwyddyd gyrfaoedd fel cam pwysig yn y calendr academaidd i helpu i gefnogi pobl ifanc i ddatblygu ymwybyddiaeth a chyffro am eu llwybrau yn y dyfodol.Mae NCW yn wythnos benodol bob blwyddyn sy’n caniatáu i ysgolion, colegau, prifysgolion, lleoliadau darpariaeth amgen a sefydliadau weithio tuag ati. Mae wedi’i ategu gan adnoddau digidol a fideo o ansawdd uchel y gellir eu hargraffu, y gellir eu lawrlwytho, i addysgwyr i gefnogi cynllunio a chyflwyno. 

Mae'r adnoddau a'r gweithgareddau ar gael trwy gydol y flwyddyn felly gallwch wneud unrhyw rai o'ch gweithgareddau CEIAG / Gyrfaoedd ddod yn fyw - pryd bynnag y byddwch yn eu gwneud. (Ond wrth gwrs fe fydden ni wrth ein bodd petaech chi’n cymryd rhan yn NCW!)

Manylion yma.

Gwobrau CREST AM DDIM yng Nghymru – Sesiwn ar-lein i ddarganfod mwy! I ysgolion CYNRADD dydd Mercher Cwefror 15fed. Ar-lein

Byddem wrth ein bodd yn eich gweld yn un o’n digwyddiadau ar-lein rhad ac am ddim, a gynhelir mewn partneriaeth â Chymdeithas Wyddoniaeth Prydain (BSA), i ddysgu mwy am gynllun Gwobrau CREST yng Nghymru, gan gynnwys sut y gallwch hawlio eich Gwobrau CREST AM DDIM a defnyddio’r gweithgareddau i gyfoethogi cwricwlwm newydd eich ysgol. 

MAE ADNODDAU CREST AR GAEL YN Y GYMRAEG.

Mae Gwobrau CREST yn gynllun cyfoethogi STEM sy’n cael ei redeg gan y BSA sy’n ysbrydoli pobl ifanc o bob oed i feddwl ac ymddwyn fel gwyddonwyr a pheirianwyr gan ddefnyddio gwaith prosiect ymchwiliol. 

Byddwn yn rhannu popeth sydd angen i chi ei wybod i ddechrau rhedeg cynllun Gwobrau CREST yn eich ysgol a byddwn yn arddangos adnodd Diwrnod Darganfod CREST, ‘Peiriannau’r Dyfodol’, sy’n addas ar gyfer Blynyddoedd 5 i 9. 

Wyddoch chi? 

• Mae ffioedd Gwobr CREST ar gyfer holl fyfyrwyr Cymru yn cael eu talu’n llawn gan lywodraeth Cymru tan o leiaf 31 Mawrth 2025. 
• Mae holl weithgareddau CREST yn seiliedig ar ymholi ac yn cael eu harwain gan fyfyrwyr gyda chynnwys cryf o’r byd go iawn, sy’n eu gwneud ffit gwych i’r Cwricwlwm i Gymru. 
• Gall Gwobrau CREST fod yn rhan annatod o'ch cwricwlwm neu gall ddarparu gweithgareddau ar gyfer Clwb STEM. 
• Mae llawer o'r gweithgareddau yn rhad ac yn hawdd i'w cynnal, heb fod angen offer arbenigol, sy'n eu gwneud yn briodol ar gyfer ystod o leoliadau y tu mewn a'r tu allan i ysgolion. 

Bwciwch eich lle yma.

Gweithdai Energy Quest

Mae pob ysgol a ariennir gan y wladwriaeth yn y DU yn gymwys i dderbyn o leiaf 1 gweithdy Energy Quest a gall ysgolion cymwys dderbyn cymaint ag 8! Wedi’i hariannu gan Shell, dros y chwe blynedd diwethaf mae EngineeringUK wedi datblygu Energy Quest yn rhaglen a gafodd dderbyniad da, gan gyrraedd 215,000 o bobl ifanc trwy 3,150 o sesiynau mewn 1,460 o ysgolion yn y DU

Mae Energy Quest yn weithdy dwy awr rhad ac am ddim wedi ei anelu at ddisgyblion CA3. Trwy naratif cyffrous, caiff myfyrwyr eu herio i achub y dydd trwy ddefnyddio eu sgiliau peirianneg ymarferol a dod o hyd i ateb i helpu grŵp o bobl ifanc mewn perygl. Yn ystod yr her, mae myfyrwyr yn dod ar draws amrywiaeth o beirianwyr wrth iddynt ddarganfod y sgiliau sydd gan beirianwyr a'r ffordd y mae ynni'n chwarae rhan bwysig yn ein bywydau ni i gyd.

Bydd Gweld Gwyddoniaeth yn cynnal y gweithdai drwy gydol y flwyddyn i ddod. Rydym yn awyddus i Lysgenhadon STEM gefnogi cyflwyno’r gweithdai

Mwy o wybodaeth yma neu cysylltwch â Llinos ar llinos.misra@gweld-gwyddoniaeth.co.uk i ddarganfod mwy am ysgolion sydd wedi archebu sesiwn hyd yn hyn.

Wythnos Wyddoniaeth Prydain 2023 Mawrth 10 - 19

Mae Wythnos Wyddoniaeth Prydain yn ddathliad deng niwrnod o wyddoniaeth, technoleg, peirianneg a mathemateg a gynhelir gan Gymdeithas Wyddoniaeth Prydain (sydd hefyd yn rhedeg Gwobrau CREST). Cynhelir yr Wythnos eleni ar 10-19 Mawrth.

Mae’r pecynnau gweithgaredd yn adnodd rhad ac am ddim a ddarperir gan Gymdeithas Wyddoniaeth Prydain, yn llawn gweithgareddau wedi’u seilio ar y thema ‘Cysylltiadau’, a gynlluniwyd i’w rhedeg mewn meithrinfeydd, ysgolion a gartref. 

Mae tri phecyn, pob un yn darparu ar gyfer gwahanol grwpiau oedran, felly mae rhywbeth at ddant pawb! Mae pecyn y Blynyddoedd Cynnar yn cynnwys gweithgareddau ar gyfer y dysgwyr lleiaf – dan 5 oed. Mae'r pecyn Cynradd ar gyfer oedran 5-11, ac mae'r pecyn Uwchradd wedi'i gynllunio ar gyfer pobl ifanc hyd at 14 oed. Canllawiau yn unig yw'r grwpiau oedran hyn wrth gwrs, a gellir addasu'r gweithgareddau yn dibynnu ar y grŵp oedran rydych chi'n gweithio gyda nhw.

Dewch o hyd i'r pecynnau a'r holl fanylion yma.

Ysgol Gynradd Derwendeg, CF82 7HP
Y Gofod – Sesiwn ddosbarth rhyngweithiol
Dyddiadau hyblyg

Byddai arddangosiad ymarferol rhyngweithiol i gyd-fynd â'r pwnc Gofod, yn enwedig creu rocedi/lansio yn ddelfrydol. Mae’r dyddiadau’n hyblyg felly byddai unrhyw ddyddiad y gall Llysgennad STEM fynd i mewn i gynnal gweithgaredd rhyngweithiol yn cael ei werthfawrogi.
I fynegi diddordeb cysylltwch â cenhadon@gweld-gwyddoniaeth.co.uk neu cliciwch yma

Ar-lein
Fforwm Athrawon Ffiseg – Cyflwyniad STEM / Holi ac ateb
Ionawr 12^fed 2023 & Chwefror 2^il 2023

Hyrwyddo'r amrywiaeth o gyfleoedd cyflogaeth sydd ar gael yn lleol ac yn genedlaethol. Gwahoddir Llysgenhadon STEM i roi cyflwyniad byr am gymhwyso Ffiseg yn eu gwaith o ddydd i ddydd
I fynegi diddordeb cysylltwch â cenhadon@gweld-gwyddoniaeth.co.uk neu cliciwch yma

Ysgol Gyfun Llandeilo Ferwallt, Y Glebe, Abertawe,.SA3 3JP

Cyfweliadau ffug
7fed Mawrth 2023