This is the Welsh version of the STEM Ambassador Newsletter - to view this newsletter in English click here

Croeso i’r cylchlythyr STEM diweddaraf  ar gyfer Llysgenhadon STEM yng Nghymru  gan eich Hyb Llysgenhadon STEM lleol.
Rydym yn croesawu pob cynnig gan Lysgenhadon STEM i helpu gydag unrhyw gyfleoedd cyfoethogi - cysylltwch â ni yn uniongyrchol i drafod eich anghenion unigol.

Gawn ni gymryd y cyfle hwn i ddiolch i chi am yr amser rydych chi wedi gwirfoddoli. Gwnewch yn siŵr eich bod yn cofio cofnodi'ch holl weithgareddau gan gynnwys yr amser paratoi sydd wedi mynd i mewn i drefnu'r gweithgareddau hynny.

I’r Llysgenhadon STEM hynny sy’n dal i fynd drwy’r broses gofrestru, cofiwch gwblhau eich cyfnod sefydlu ar-lein a’ch gwiriad DBS.

Os oes angen unrhyw help neu gefnogaeth ar unrhyw un gyda hyn yna cysylltwch â hayley.pincott@see-science.co.uk.

Mae Gweld Gwyddoniaeth yn dal yn awyddus i gynnig cymaint o gyfleoedd cyfoethogi â phosibl i ddysgwyr ledled Cymru. Sicrhewch fod  cydweithwyr sydd wedi cofrestru gyda STEM Learning wedi ticio’r blwch i dderbyn cylchlythyrau yn eu dewisiadau er mwyn derbyn cylchlythyr Gweld Gwyddoniaeth yn y dyfodol gan ddefnyddio’r ddolen https://www.stem.org.uk/user/register a yna dewiswch dderbyn y cylchlythyr yn ôl eich dewisiadau.

Mae gan Gweld Gwyddoniaeth dudalen Facebook lle byddwn ni hefyd yn rhannu llawer o syniadau newydd yn rheolaidd - hoffwch neu dilynwch y dudalen os gwelwch yn dda.

Peidiwch ag oedi cysylltu â ni os gallwn gefnogi addysgu pynciau STEM.

Dymuniadau gorau
Tîm Llysgenhadon STEM @Gweld Gwyddoniaeth.

Rowndiau Terfynol Rhanbarthol FIRST^® LEGO^® League Challenge

Roedd Gweld Gwyddoniaeth yn falch o gynnal 3 rownd derfynol ranbarthol FIRST^® LEGO^® League Challenge dros yr wythnosau diwethaf, un yn Sir Benfro, un yng Nglynebwy a’r llall ar gyfer ysgolion cyfrwng Cymraeg Caerdydd.

Mae FIRST^® LEGO^® League Challenge yn rhaglen STEM fyd-eang ar gyfer timau o bobl ifanc, i annog diddordeb mewn themâu byd go iawn a datblygu sgiliau allweddol sy'n hanfodol ar gyfer eu gyrfaoedd yn y dyfodol. Mae pobl ifanc yn gweithio gyda'i gilydd i archwilio pwnc penodol ac i ddylunio, adeiladu a rhaglennu robot LEGO® ymreolaethol i ddatrys cyfres o genadaethau. Thema eleni yw Ynni.

Dros y tair rownd derfynol ranbarthol, bu 40 o ysgolion yn cystadlu a chael llawer o hwyl ar y diwrnod. Llongyfarchiadau enfawr i’r tri Pencampwr Rhanbarthol a PHOB LWC wrth iddynt fynd ymlaen i gynrychioli eu rhanbarthau yn Rowndiau Terfynol Cenedlaethol FIRST^® LEGO^® League yn Harrogate yn ddiweddarach y mis hwn!

• Pencampwyr Sir Benfro: Ysgol Gelli Aur
• Pencampwyr De Ddwyrain Cymru: Ysgol Derwendeg
• Pencampwyr Cyfrwng Cymraeg Caerdydd: Ysgol Bro Edern

Diolch i Ysgol Harri Tudur, Ysgol Gynradd Willowtown ac Addewid Caerdydd am eu croeso a’u cydweithrediad cyn ac yn ystod y digwyddiadau.

Sul Gwyddoniaeth Gwych yn Abertawe

• Gwahoddwyd Yamni a thîm Caru Cynrhon i Sul Gwyddoniaeth Gwych Caffi Oriel Science yn Amgueddfa’r Glannau ar Fawrth 19eg.
• Mae ymgyrch Prifysgol Abertawe “Caru Cynrhon!” wedi'i lansio i godi ymwybyddiaeth o'r defnydd o gynrhon byw fel triniaeth glinigol i helpu i glirio a gwella clwyfau cronig.
• Mae llawer o bobl mewn perygl o ddatblygu clwyfau nad ydynt yn gwella, gan gynnwys pobl sy'n dioddef o ddiabetes, neu'r rhai a allai fod â phroblemau fasgwlaidd.
• Mae cynrhon meddyginiaethol yn fersiynau ifanc, bychain o'r pryf potel werdd hardd. Y cynrhon sy'n cael eu rhoi ar glwyfau yw'r babanod newydd eu geni!
• Chwiliwch #LoveAMaggot ar y cyfryngau cymdeithasol i ymuno yn y trafodaethau a darganfod mwy, gallwch hefyd wylio ein hanimeiddiad diweddaraf.

Wythnos Wyddoniaeth Prydain- PwC Ysgol Gynradd Marshfield

Fel rhan o Wythnos Wyddoniaeth Prydain, mynychodd Isobel Banfield a Geraint Worgan o PwC Ysgol Gynradd Marshfield yng Nghaerdydd i gyflwyno gwers mewn Technoleg ar gyfer Helpu Pobl i ddau ddosbarth Blwyddyn Un (tua 60 o blant). Hon oedd y wers TechSheCan gyntaf i Isobel a Geraint ac roedd yn wych gweithio mewn partneriaeth. Roedd y wers yn cynnwys dangos enghreifftiau o dechnoleg i helpu'r gwasanaethau brys, gofal iechyd, pobl ag anableddau a'r henoed. Roedd y plant wrth eu bodd yn clywed am y siwt jet disgyrchiant a'r robot llysnafedd magnetig! Fe wnaethom hefyd wylio un o'r fideos TechSheCan lle mae Katie a Tex yn archwilio roboteg a deallusrwydd artiffisial a mwynhaodd y plant yn fawr. Dyluniodd y plant eu robotiaid eu hunain i helpu pobl a chawsom ein hysbrydoli a’n plesio gymaint gyda’u dyluniadau gan gynnwys robot neidr a robot athro dawns, a gyflwynwyd ganddynt yn ôl i’w cyd-ddisgyblion ar ddiwedd y wers.

 Digwyddiad Goblin Green Power 

Bydd ras flynyddol Goblin Greenpower De Cymru ar gyfer disgyblion cynradd (9-11 oed - blynyddoedd ysgol 5-6) yn cael ei chynnal ar yr 22ain o Ebrill yn Renishaw, Meisgyn.

Mae diwrnod rasio Goblin yn ddiwrnod llawn hwyl sy'n cynnwys digwyddiadau llusgo, slalom a sbrintio. Mae gwobrau ychwanegol i’w hennill yn y digwyddiad sy’n cyfrif tuag at sgôr cyffredinol y tîm. Mae timau'n cyflwyno portffolio yn dogfennu eu taith adeiladu Goblin, a gweithgareddau cysylltiedig eraill megis penderfynu ar enw tîm, codi nawdd a chyllid, dylunio gwaith corff a phrofi ceir. Ynghyd â gwobr y portffolio, gall plant ennill y corffwaith mwyaf gwyrdd, y corffwaith gorau, y tîm a gyflwynir orau, ac Ysbryd Pŵer Gwyrdd. Mae elusen Greenpower Education Trust (www.greenpower.co.uk) yn defnyddio adeiladu ceir trydan, dylunio a rasio i ysbrydoli myfyrwyr (9-25 oed) i ddilyn pynciau STEM yn yr ysgol.  

Os oes gan eich ysgol ddiddordeb mewn darganfod mwy am geir Greenpower Goblin, cysylltwch â ciara.doyle@siemens-energy.com.
Os ydych yn Llysgennad STEM ac yn awyddus i gofrestru eich diddordeb mewn gwirfoddoli i gefnogi ysgol i adeiladu car neu ar ddiwrnod y ras, cysylltwch â Gweld Gwyddoniaeth neu ciara.doyle@siemens-energy.com neu ewch yma

Explorify - Dathlu Gwyddonwyr. Dydd Mercher 26 Ebrill, 4-4.45pm. Ar-lein

Mae modelau rôl yn hanfodol os ydym am i fwy o blant ystyried gyrfaoedd STEM. Ymunwch â ni i edrych ar adnoddau Explorify newydd - 'Dathlu Gwyddonwyr' - sy'n darparu adnoddau hawdd eu defnyddio i athrawon sy'n cysylltu gwaith gwyddonwyr â'r cwricwlwm gwyddoniaeth cynradd. Heb fodelau rôl, mae llawer o blant (ac oedolion) yn darlunio gwyddonwyr fel ‘dynion mewn cotiau gwyn â gwallt gwyllt’ a pheirianwyr fel ‘dynion mewn siacedi llachar a hetiau caled.’ Mae archwilio gwaith gwyddonwyr a pheirianwyr go iawn yn ehangu’r farn hon. Mae gweithwyr proffesiynol STEM yn amrywiol, o ran eu sgiliau a’u diddordebau, yn ogystal â sut olwg sydd arnynt. Maent yn arddangos sut y gallai gyrfaoedd mewn STEM edrych a sut mae’r wybodaeth a’r sgiliau gwyddoniaeth y mae plant yn eu datblygu yn yr ysgol yn uniongyrchol gysylltiedig â swyddi STEM.  Bwcio yma.

Llun: Kiara Nirghin (22 oed), yn annerch y Cenhedloedd Unedig yn Efrog Newydd ar Ddiwrnod Rhyngwladol y Menywod, 2019. Credyd delwedd: UN Women trwy Flickr, CC BY-NC-ND 2.0 

Digwyddiad Hwb Llysgenhadon STEM Cymru: Sut i ymgysylltu ag Ysgolion a Cholegau. Dydd Mercher 3 Mai 11.00-12.00. Ar-lein

Mae addysg yng Nghymru wedi'i ddatganoli ac rydym am i gynifer o Lysgenhadon STEM yng Nghymru ymgysylltu â chynifer o ysgolion â phosibl. 

Ymunwch â'r digwyddiad hwn ar-lein i ddysgu: 

• Cyfnodau Addysg yng Nghymru 
• Sut gallwch chi gysylltu ag Ysgolion a Cholegau AB 
• Pa fath o weithgareddau sydd fwyaf priodol i bob grŵp oedran. 

Bydd y sesiwn yn cael ei chynnal gan Louise Thomas, Cydlynydd Cyswllt Ysgolion a Cholegau ar gyfer Hwb Llysgenhadon STEM (Cymru). 

Bwciwch yma.

Llysgenhadon STEM: Dyma Fi. Dydd Mercher Mai 10fed 3.45-4.30pm. Ar-lein

Mae sesiynau Dyma Fi yn gyfle i athrawon weld manteision dod â Llysgennad STEM i’r ystafell ddosbarth.Bydd athrawon yn cael y cyfle i gwrdd â rhai Llysgenhadon STEM a chael gwybod am y mathau o weithgareddau y gallant ddod â nhw i'r ystafell ddosbarth. Bydd yn cynnig cyfle i athrawon drafod manteision dod â Llysgenhadon STEM i’r ystafell ddosbarth i gefnogi pynciau a phrosiectau y gellid eu cynnwys yn y cwricwlwm newydd i Gymru. 

*Os nad ydych yn gallu mynychu'r digwyddiad byw hwn ond wedi cofrestru, yna bydd recordiad o'r sesiwn ar gael i chi. Bwcio yma.

Gwneud Past Dannedd - gweithgaredd STEM i athrawon cynradd. Ar-lein 

Dydd Llun 15 Mai, 4-5pm. Sesiwn Cymraeg.

Dewch ag arbrawf cemeg i'ch dosbarth cynradd gyda'r weithgaredd ymarferol hwyliog, syml yma.Byddwn yn dangos pa mor hawdd yw hi i wneud eich past dannedd eich hun ac yn awgrymu sut y gall eich disgyblion ymchwilio'r cynnyrch trwy brofi os ydy'r past dannedd yn gweithio neu beidio!

Gall gwneud past dannedd fod yn weithgaredd yn ei hun neu byddwn yn dangos i chi sut gall fod yn gychwyn ar daith Gwobrau CREST i chi a'ch disgyblion.

Bydd pawb sy'n cofrestru yn derbyn rhestr cynhwysion fel y gallwch ddewis wneud yr arbrawf gyda ni. Byddwch hefyd yn derbyn fideo o'r sesiwn wedyn.

Bwciwch yma ar gyfer y sesiwn Cymraeg.

RSC: Gwreiddio gyrfaoedd yn eich gwersi gwyddoniaeth. Dydd Mawrth 6 Mehefin, 4–5pm. Ar-lein

Hoffech chi gael rhai syniadau am sut i ddod â gyrfaoedd gwyddoniaeth gemegol i mewn i'ch addysgu? Dewch draw i archwilio rhai o'n hadnoddau a thrafod gwahanol syniadau am sut i'w defnyddio a gwneud gyrfaoedd cemeg yn berthnasol. Yn ystod y sesiwn ryngweithiol hon byddwn yn amlygu rhai o’n hadnoddau gyrfa ac yn cyflwyno gwahanol ddulliau o ddod â gyrfaoedd i wahanol bynciau o fewn camau cynnydd 4 a 5 yn y Cwricwlwm i Gymru. Bydd cyfle i drafod gydag athrawon eraill pa ddulliau sy’n gweithio a pha wybodaeth neu adnoddau eraill fyddai’n ddefnyddiol yn y dosbarth.

Manylion a bwcio yma.