Gall cyfranogiad Llysgennad STEM ennyn diddordeb myfyrwyr ac athrawon fel ei gilydd. Os oes gennych ddiddordeb mewn gofyn i Lysgennad STEM i helpu gallwch wneud eich cais yma. Rydym wedi creu canllawiau byr i annog Llysgenhadon STEM ac addysgwyr i ddefnyddio’r hunanwasanaeth. 

Llysgenhadon STEM PwC yn Ysgol Marshfield

Fel rhan o Wythnos Wyddoniaeth Prydain, mynychodd Isobel Banfield a Geraint Worgan o PwC Ysgol Gynradd Marshfield yng Nghaerdydd i gyflwyno gwers mewn Technoleg ar gyfer Helpu Pobl i ddau ddosbarth Blwyddyn Un (tua 60 o blant).

Hon oedd y wers TechSheCan gyntaf i Isobel a Geraint ac roedd yn wych gweithio mewn partneriaeth. Roedd y wers yn cynnwys dangos enghreifftiau o dechnoleg i helpu'r gwasanaethau brys, gofal iechyd, pobl ag anableddau a'r henoed. Roedd y plant wrth eu bodd yn clywed am y siwt jet disgyrchiant a'r robot llysnafedd magnetig!

Fe wnaethom hefyd wylio un o'r fideos TechSheCan lle mae Katie a Tex yn archwilio roboteg a deallusrwydd artiffisial a mwynhaodd y plant yn fawr. Dyluniodd y plant eu robotiaid eu hunain i helpu pobl a chawsom ein hysbrydoli a’n plesio gymaint gyda’u dyluniadau gan gynnwys robot neidr a robot athro dawns, a gyflwynwyd ganddynt yn ôl i’w cyd-ddisgyblion ar ddiwedd y wers.

Rowndiau Terfynol Rhanbarthol 
FIRST^® LEGO^® League Challenge

Roedd Gweld Gwyddoniaeth yn falch o gynnal 3 rownd derfynol ranbarthol FIRST^® LEGO^® League Challenge dros yr wythnosau diwethaf, un yn Sir Benfro, un yng Nglynebwy a’r llall ar gyfer ysgolion cyfrwng Cymraeg Caerdydd.

Mae FIRST^® LEGO^® League Challenge yn rhaglen STEM fyd-eang ar gyfer timau o bobl ifanc, i annog diddordeb mewn themâu byd go iawn a datblygu sgiliau allweddol sy'n hanfodol ar gyfer eu gyrfaoedd yn y dyfodol. Mae pobl ifanc yn gweithio gyda'i gilydd i archwilio pwnc penodol ac i ddylunio, adeiladu a rhaglennu robot LEGO® ymreolaethol i ddatrys cyfres o genadaethau. Thema eleni yw Ynni.

Dros y tair rownd derfynol ranbarthol, bu 40 o ysgolion yn cystadlu a chael llawer o hwyl ar y diwrnod. Llongyfarchiadau enfawr i’r tri Pencampwr Rhanbarthol a PHOB LWC wrth iddynt fynd ymlaen i gynrychioli eu rhanbarthau yn Rowndiau Terfynol Cenedlaethol FIRST^® LEGO^® League yn Harrogate yn ddiweddarach y mis hwn!

• Pencampwyr Sir Benfro: Ysgol Gelli Aur
• Pencampwyr De Ddwyrain Cymru: Ysgol Derwendeg
• Pencampwyr Cyfrwng Cymraeg Caerdydd: Ysgol Bro Edern

Diolch i Ysgol Harri Tudur, Ysgol Gynradd Willowtown ac Addewid Caerdydd am eu croeso a’u cydweithrediad cyn ac yn ystod y digwyddiadau.

Her Engineering Educates: Farmvention 2022-24

Ysbrydoli peirianwyr ifanc trwy gyd-destunau'r byd go iawn.

Mae Her Engineering Educates: Farmvention yn cynnwys 3 llwybr gwahanol wedi'u teilwra i ysbrydoli plant 7-14 oed i feddwl fel peirianwyr yng nghyd-destun ffermio ym Mhrydain. Mae pob un yn cynnwys dilyniannau o bum sesiwn sy'n gysylltiedig â'r cwricwlwm. Mae dysgwyr yn cymhwyso sgiliau a gwybodaeth mathemateg, gwyddoniaeth, dylunio a thechnoleg a chyfrifiadureg trwy gyd-destun ffermio a pheirianneg amaethyddol. Mae'r llwybrau'n arwain dysgwyr drwy'r broses dylunio peirianyddol ac yn ymgorffori materion allweddol amgylchedd a chynaliadwyedd. Trwy feddwl fel peirianwyr, mae dysgwyr yn datrys problemau sy'n gwneud gwahaniaeth mewn lleoliadau byd go iawn gan ddefnyddio creadigrwydd, dychymyg a chydweithio. 

Bydd yr her yn rhedeg yn ystod blynyddoedd academaidd 2022-2023 a 2023-2024, ac ar ôl hynny rhagwelir Her Engineering Educates newydd. 

Manylion yma.

Y Cyfraniad Gwyddoniaeth Mawr i Ysgolion. Dydd Mawrth 13 Mehefin.

Mae’r Cyfraniad Gwyddoniaeth Mawr i Ysgolion (GSSfS) yn ymgyrch arobryn, flynyddol i ysbrydoli plant 5-14 oed i ofyn, ymchwilio a rhannu eu cwestiynau gwyddonol gyda chynulleidfaoedd newydd.

Mae GSSfS yn codi proffil gwyddoniaeth mewn ysgolion a’u cymunedau, gan annog pobl ifanc i gael eu hysbrydoli i fyd gwyddoniaeth a pheirianneg.

Profiad cynhwysol, anghystadleuol a chydweithredol i bawb.

Cymerwch ran! Y cyfan sydd angen i chi ei wybod, gan gynnwys adnoddau gwych yma.

Dydd Mercher 19 Ebrill, 3.45-4.45pm, bydd Grace Marson, Cydlynydd Ymgyrch GSSfS, yn cynnal sesiwn taro i mewn ar-lein yn rhoi gwybodaeth a chyfle i ofyn cwestiynau. Bydd yn ddelfrydol ar gyfer athrawon sydd yn newydd i’r ymgyrch neu i unryw un sydd am atgoffa eu hunain! Bwcio yma.

Explorify - Dathlu Gwyddonwyr. Dydd Mercher 26 Ebrill, 4-4.45pm. Ar-lein

Mae modelau rôl yn hanfodol os ydym am i fwy o blant ystyried gyrfaoedd STEM. Ymunwch â ni i edrych ar adnoddau Explorify newydd - 'Dathlu Gwyddonwyr' - sy'n darparu adnoddau hawdd eu defnyddio i athrawon sy'n cysylltu gwaith gwyddonwyr â'r cwricwlwm gwyddoniaeth cynradd.

Bellach mae gennym ni fath newydd o weithgaredd sydd wedi’i gynllunio i gyflwyno plant i weithwyr proffesiynol STEM pwysig drwy ofyn y cwestiwn, ‘Pwy yw…?’ Mewn arddull Explorify go iawn, rydym wedi gwneud y cwestiwn hwn yn hygyrch i bawb trwy ddarparu cliwiau ffotograffig. Mae pob gweithgaredd yn cysylltu ag ystod o fideos yn yr adran ‘Gwylio’ gydag o leiaf un yn cynnwys y gwyddonydd. Mae Explorify hefyd wedi partneru â'r Gymdeithas Frenhinol ac Ysgol Hylendid a Meddygaeth Drofannol Llundain i greu gweithgareddau Beth Sy'n Digwydd? newydd yn seiliedig ar weithwyr proffesiynol STEM.  Bwcio yma.

Gwneud Past Dannedd - gweithgaredd STEM i athrawon cynradd. Ar-lein 

Dydd Mercher 3 Mai, 4-5pm. Sesiwn Saesneg

Dydd Llun 15 Mai, 4-5pm. Sesiwn Cymraeg.

Dewch ag arbrawf cemeg i'ch dosbarth cynradd gyda'r weithgaredd ymarferol hwyliog, syml yma.

Byddwn yn dangos pa mor hawdd yw hi i wneud eich past dannedd eich hun ac yn awgrymu sut y gall eich disgyblion ymchwilio'r cynnyrch trwy brofi os ydy'r past dannedd yn gweithio neu beidio!

Gall gwneud past dannedd fod yn weithgaredd yn ei hun neu byddwn yn dangos i chi sut gall fod yn gychwyn ar daith Gwobrau CREST i chi a'ch disgyblion.

Bydd pawb sy'n cofrestru yn derbyn rhestr cynhwysion fel y gallwch ddewis wneud yr arbrawf gyda ni. Byddwch hefyd yn derbyn fideo o'r sesiwn wedyn.

Bwciwch yma ar gyfer y sesiwn Saesneg.

Bwciwch yma ar gyfer y sesiwn Cymraeg.

​Llysgenhadon STEM: Dyma Fi. Dydd Mercher Mai 10fed 3.45-4.30pm. Ar-lein

Mae sesiynau Dyma Fi yn gyfle i athrawon weld manteision dod â Llysgennad STEM i’r ystafell ddosbarth.

Bydd athrawon yn cael y cyfle i gwrdd â rhai Llysgenhadon STEM a chael gwybod am y mathau o weithgareddau y gallant ddod â nhw i'r ystafell ddosbarth. Bydd yn cynnig cyfle i athrawon drafod manteision dod â Llysgenhadon STEM i’r ystafell ddosbarth i gefnogi pynciau a phrosiectau y gellid eu cynnwys yn y cwricwlwm newydd i Gymru. 

*Os nad ydych yn gallu mynychu'r digwyddiad byw hwn ond wedi cofrestru, yna bydd recordiad o'r sesiwn ar gael i chi. 

Bwcio yma.

Explorify - Her yr Hinsawdd. Dydd Mawrth 23 Mai, 4-5pm. Ar-lein

Mynd i’r afael â ‘Her yr Hinsawdd’ – pam a sut?

Mae cyfle i drafod amcanion penodol i hinsawdd, bioamrywiaeth a llygredd yn parhau i esblygu ac yn cael eu cymharu gan ddefnyddio adnoddau Explorify. Lansiodd NAEE (Cymdeithas Genedlaethol Addysg Amgylcheddol) faniffesto yn 2022 i helpu i arwain ysgolion i ddod yn fwy cynaliadwy a gwella'r addysg mae plant yn ei dderbyn i'w paratoi ar gyfer wynebu heriau amgylcheddol yn y dyfodol.

Byddwn yn rhannu adnoddau Explorify yn ogystal â thrafod a rhannu syniadau eraill i'ch galluogi i weithredu hyn yn eich ystafell ddosbarth eich hun.  Bwciwch yma.

I Ysgolion Cynradd yn Wrecsam! - Gwyliwch y Gwyllt gyda Xplore!

Dewch i gymryd rhan yn ein gweithdy bioamrywiaeth newydd sbon a ariennir yn llawn gan Cyfoeth Naturiol Cymru ar ran Cyngor Bwrdeistref Sirol Wrecsam.

Mae’r gweithdy’n defnyddio’r fioamrywiaeth anhygoel sydd gennym o amgylch Wrecsam i addysgu dysgwyr am eu hamgylchedd lleol, cynefinoedd bywyd gwyllt a byd rhyfeddol y creaduriaid lleiaf sy’n byw yn ein mannau gwyrdd. Mae'r sesiwn yn dechrau yn ein canolfan gyda gweithdy 45 munud yn cyflwyno'r cysyniad o fioamrywiaeth a gwyddor dinasyddion. Yna gadewch y ganolfan am dro i’n mannau gwyrdd lleol lle byddwn yn creu arolwg o natur yr ardal. Bydd ein holl ysgolion yn derbyn pecyn Bioamrywiaeth i fynd ag ef yn ôl i'r ysgol er mwyn i ddysgwyr allu parhau i ddysgu am y byd o'u cwmpas. 

Mae'r gweithdy hwn yn 4 awr o hyd ac ar gael ar gyfer Blwyddyn 6, wedi'i gyfyngu i 30 o ddysgwyr fesul ysgol. Gweithdy ar gael i archebion ysgolion sir Wrecsam yn unig. 

I gadw lle, e-bostiwch bookings@xplorescience.co.uk.

Cystadleuaeth BioArtAttack Cymdeithas Fioleg Frenhinol

Mae Cystadleuaeth BioArtAttack y Gymdeithas Fioleg Frenhinol (2D) 2023 (Gwobr Nancy Rothwell gynt) yn gystadleuaeth lluniadu a phaentio celf 2D i blant i blant 7 – 18 oed i dynnu llun neu beintio eu hoff anifail, planhigyn neu ffyngau. Mae Gwobr Nancy Rothwell bellach yn is-gategori ar gyfer lluniadau enghreifftiol a gyflwynwyd i'r gystadleuaeth hon.

Mae'r gystadleuaeth bellach ar agor ar gyfer cyflwyniadau, ac mae gwobrau'n cynnwys £50 i fyfyrwyr buddugol. 

Y dyddiad cau ar gyfer ceisiadau yw 29 Gorffennaf.  Manylion yma.

Cystadleuaeth Ffotograffiaeth y Gymdeithas Fioleg Frenhinol

‘Natur a Hinsawdd’ yw thema Cystadleuaeth Ffotograffiaeth y Gymdeithas Fioleg Frenhinol eleni. Mae bywyd ar y ddaear yn cael ei effeithio gan yr hinsawdd, y tywydd a newidiadau tymhorol ac eleni rydym yn eich gwahodd i ddal hyn.

Gallai eich ffotograff ddarlunio a dal stori bywyd wrth iddo gael ei effeithio gan yr hinsawdd, y tywydd neu newidiadau tymhorol, efallai mewn amgylchedd annisgwyl neu wedi newid, neu ddangos sut mae hinsawdd newidiol (a phatrymau tywydd) yn effeithio ar y byd naturiol. Rydym hefyd yn croesawu ceisiadau sy’n archwilio thema eleni ar y lefel foleciwlaidd neu gellog, gan ddangos yr effeithiau neu’r newidiadau mewn natur a hinsawdd trwy brosesau a ddatgelir i ni gyda chymorth microsgop yn unig. 

Mae dau gategori yn y gystadleuaeth, pob un â gwobr ariannol:

• Ffotograffydd y Flwyddyn (18 oed a throsodd) - prif wobr o £1,000 
• Ffotograffydd Ifanc y Flwyddyn (dan 18 oed) - prif wobr o £500 

Dyddiad cau Mehefin 27.  Manylion yma.

Grantiau Natur Ysgolion Lleol

Beth sydd gan flychau adar, gwestai gwenyn ac arbenigwyr natur i gyd yn gyffredin? Maent i gyd ar gael am ddim fel rhan o’n rhaglen Grantiau Natur Ysgolion Lleol, a gefnogir gan chwaraewyr y People’s Postcode Lottery.

Yn agored i ysgolion a lleoliadau blynyddoedd cynnar yng Nghymru, Lloegr a’r Alban, mae gan y gronfa grantiau dysgu awyr agored hon ddwy elfen – £500 o offer awyr agored wedi’u dewis o gatalog o dros 100 o eitemau, a chwrs hyfforddi dysgu awyr agored ar gyfer eich staff. 

Manylion yma.